ប្រមុខបក្សកាន់អំណាចនៅកម្ពុជា ជម្រាបអគ្គលេខាធិការបក្សកម្មុយនីស្តចិន តាមរយៈលិខិត នៅថ្ងៃទី២៣ ខែតុលា ឆ្នាំ២០២២នេះ ដូច្នេះថា៖«កម្ពុជា និងចិន មានទំនាក់ទំនងដ៏ល្អប្រសើរ និងមានកិច្ចសហប្រតិបត្តិការជិតស្និទ្ធជាមួយគ្នា ដោយសារមិត្តភាពប្រពៃណី និងទំនាក់ទំនងដ៏ស្និទ្ធស្នាលរបស់គណបក្សប្រជាជនកម្ពុជា និងគណបក្សកុម្មុយនីស្តចិន។ ប៉ុន្មានឆ្នាំមកនេះ គណបក្សប្រជាជនកម្ពុជា និងគណបក្សកុម្មុយនីស្តចិន បានពង្រឹងទំនាក់ទំនងដែកថែប ដែលបានធ្វើឲ្យទំនាក់ទំនងកម្ពុជា-ចិន រីកចម្រើនឥតឈប់ឈរ សម្រាប់ផលប្រយោជន៍ដល់ប្រជាជននៃប្រទេសទាំង២»។
 

មានវ័យ៦៩ឆ្នាំ លោក ស៊ី ជិនភីង ត្រូវបានបោះឆ្នោតឲ្យបន្តធ្វើជាអគ្គលេខាធិការបក្សកុម្មុយនីស្តចិន ក្នុងមហាសន្និបាតបក្សលើកទី២០ នៅថ្ងៃទី២៣ ខែតុលា ឆ្នាំ២០២២នេះ។ វាជាអាណត្តិទី៣ហើយ ដែលលោក បានកាន់តំណែងជាអគ្គលេខាធិការបក្សកុម្មុយនីស្តចិន ដែលមិនធ្លាប់មានក្នុងប្រវត្តិសាស្រ្តចិន។ ក្នុងបក្សកុម្មុយនីស្តចិន តំណែងជាអគ្គលេខាធិការ គឺជាតំណែងខ្ពស់បំផុត និងមានអំណាចលំដាប់ទី១៕