ក្រសួងការងារ បានបញ្ជាក់ថា ក្រុមហ៊ុនទាំងនោះមានមកពីវិស័យធនាគារ គ្រឹះស្ថានមីក្រូហិរញ្ញវត្ថុ និងធានារ៉ាប់រង, សេវាកម្មលក់ដុំ និងរាយ, ទេសចរណ៍ និងបដិសណ្ឋារកិច្ច, ម្ហូបអាហារ និងភេសជ្ជៈ, អចលនទ្រព្យ, សេវាកម្ម ព្រមទាំងវិស័យឧស្សាហកម្ម និងកម្មន្តសាល… ជាដើម។​   ពិព័រណ៍ការងារនេះ​​ នឹងចាប់ផ្តើមពីម៉ោង៨ព្រឹកដល់៨យប់ ដែលវាជាឱកាសសម្រាប់អ្នកស្វែងរកការងារធ្វើដោយគ្រាន់តែយកCV ទៅដាក់នៅក្រុមហ៊ុនណាមួយខ្លួនពេញចិត្ត​ នោះខាងអ្នកជំនាញក្រុមហ៊ុននឹងសម្ភាសភ្លាមៗតែម្តង។​

 

 

បើតាមលោក ពេជ សោភ័ន ជារដ្ឋលេខាធិការប្រចាំការនៃក្រសួងការងារ និងបណ្តុះបណ្តាលវិជ្ជាជីវ: ការធ្វើពិព័រណ៍ការងារនេះ គឺចង់បង្កើនការផ្សព្វផ្សាយឱ្យទូលំទូលាយបន្ថែមទៀត និងចាប់ផ្តើមបណ្តុះផ្នត់គំនិតសាធារណជនដោយធ្វើយ៉ាងណាពង្រីកផលិតផលការងារ។​  លោក បន្តមានប្រសាសន៍ថា ៖ «យើងចាប់ផ្តើមអនុវត្តកន្លងមក គឺទទួលបានជោគជ័យ ដែលកត្តាផលិតភាពការងារខ្ពស់នោះធ្វើឱ្យសេដ្ឋកិច្ចកើនឡើង និងប្រជាជនមានជីវភាពធូរធារ»។

 

សូមជម្រាបថា​ ពិព័រណ៍ការងារ និងផលិតភាពជាតិនេះ​ ត្រូវបានរៀបចំដោយទីភ្នាក់ជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយ សហភាពសហព័ន្ធយុវជនកម្ពុជា​(ស.ស.យ.ក) រាជធានីភ្នំពេញ និង សមាគមរោងចក្រកាត់ដេរនៅកម្ពុជា  (GMAC) ៕