អភិបាលស្រុកកណ្ដៀង លោក ឆាយ គីមម៉ុង បានឱ្យដឹងថា តូបលក់អីវ៉ាន់ដែលរងការខូតខាត ដោយសារបាក់ស្រុតដី កាលពីថ្ងៃទី១ វិច្ឆិកា នោះ ស្ថិតនៅចំណុចផ្លូវយាយអាន ជាប់មាត់ស្ទឹងពោធិ៍សាត់ ។ ការបាក់ស្រុតនោះ មិនមានរងប៉ះពាល់អាយុជីវិត ឬរងរបួសស្នាមដល់ប្រជាពលរដ្ឋនោះទេ។ លោកបន្តថា បញ្ហាខូចខាត ក៏មិនធ្ងន់ធ្ងរនោះដែរ ព្រោះប្រជាពលរដ្ឋ និងអាជ្ញាធរមូលដ្ឋាន បានជួយជញ្ជូនអីវ៉ាន់ និងសម្ភារប្រើប្រាស់បានទាន់ពេលវេលា។
  

 

សម្រាប់តូបដែលបាក់ស្រុត អាចនឹងត្រូវរុះរើសធ្វើថ្មីនៅកន្លែងសមស្របណាមួយ តែមិនឱ្យធ្វើនៅទីតាំងដដែលទេ ដោយអាជ្ញាធរ នឹងយកកន្លែងនោះ ការពារច្រាំងកុំឱ្យបាក់កាន់តែខ្លាំងបន្ថែមទៀត។ នេះបើតាមលោក ឆាយ គីមម៉ុង។
 

«មិនបាក់ស្រុតតែកន្លែងចំណុចឃុំស្វាយលួងតែមួយទេ ពីទីរួមខេត្តតាមបណ្ដោយច្រាំងទន្លេគឺមានស្នាមបាក់ស្រុតច្រើន ព្រោះចំណុចទាំងនោះដីមានសភាពទន់ជ្រាយ ដោយសារទឹកជំនន់អូសបន្លាយពេលយូ»។ នេះជាការបញ្ជាក់របស់លោក ឆាយ គីមម៉ុង។

 

ជាមួយគ្នានេះ លោក គីមម៉ុង ក៏បានអំពាវនាវដល់ប្រជាពលរដ្ឋដែលរស់នៅតាមបណ្ដោយដងស្ទឹង ឱ្យមានការប្រុងប្រយ័ត្នឱ្យបានខ្ពស់ ៕