ជាតិ
យុវជនសកម្ម សេវាល្អ
កំពត៖ ព្រោះខ្វះបន្ទប់ បណ្ណាល័យនៃសាលាបឋមសិក្សាតូនីតាកេ ត្រូវរៀបចំក្នុងទីចាត់ការ លោក អ៊ីង ជា នាយកសាលាបឋមសិក្សាតូនីតាកេ ដែលមានទីតាំងក្នុងភូមិសាស្ត្រឃុំត្រពាំងធំ ស្រុកទឹកឈូ ខេត្តកំពត
×
ដោយ៖ ដោយ : ណី ស្រីពៅ (យុវជនឃុំត្រពាំងធំ)
ស្រុកទឹកឈូ, ខេត្តកំពត៖ សាលាបឋមសិក្សាតូនីតាកេ មានទីតាំងស្ថិតនៅក្នុងភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត ដែលមានចម្ងាយប្រមាណ១គីឡូម៉ែត្រប៉ុណ្ណោះ ពីទីរួមខេត្តកំពត។ ប៉ុន្តែសាលា នេះ មិនមានបន្ទប់សិក្សាគ្រប់គ្រាន់សម្រាប់ឡើយ ហើយបណ្ណាល័យទៀត សោត ត្រូវរៀបចំ នៅក្នុងបន្ទប់ទីចាត់ការតែម្តង។
លោក អ៊ីង ជា នាយកសាលាបឋមសិក្សាតូនីតាកេ បានឱ្យដឹងថា នៅក្នុងបណ្ណាល័យ មានសៀវភៅអាន និងសិក្សា សម្រាប់ការសិក្សារបស់សិស្សបឋមសិក្សាជិត ៥០នាក់ ដែលកំពុងសិក្សានៅទីនេះ។ «មានបណ្ណាល័យ ដែលរៀបនៅក្នុងទីចាត់ការ ដោយសារសាលាយើងខ្វះអគារ អ៊ីចឹងយើងរៀបចមធ្នើរដែលឧបត្ថម្ភដោយក្រសួងអប់រំ មានធ្នើរ មានសៀវភៅ។ ចំណែកឯសៀវភៅក្នុងបណ្ណាល័យ ដែលរៀបចំក្នុងទីចាត់ការ មានសៀវភៅច្រើនចម្រុះគ្នា។ មានលក្ខណៈអប់រំ មានលក្ខណៈប្រជាប្រិយភាព មានទាំងច្បាប់ផ្សេងៗ ដែលបម្រើដល់ការសិក្សា និងអានរបស់សិស្សានុសិស្ស»។
ដ្បិតតែមានបណ្ណាល័យ ដែលមានសៀវភៅសិក្សាគ្រប់គ្រាន់ សម្រាប់មែន ប៉ុន្តែ លោក អ៊ីង ជា បានបញ្ជាក់ថា ដោយសារតែវាត្រូវបានរៀបចំនៅក្នុងទីចាត់ការដូច្នេះ វាមានភាពចង្អៀតបន្តិចសម្រាប់សិស្សដែលចង់មកអានសៀវភៅខ្លះដែរ។ ជុំវិញកង្វះ បន្ទប់សិក្សា និងការរៀបចំបណ្ណាល័យនេះ កន្លងមក លោក នាយកសាលាបឋមសិក្សាតូនីតាកេ រូបនេះ ក៏បានស្នើសុំទៅលោកគ្រូបានស្នើសុំជាលក្ខណៈសូចនាកររាល់ឆ្នាំ ប៉ុន្តែពុំមានស្នើសុំជាលិខិតទេ។ ប៉ុន្តែការដាក់ស្នើសុំទៅកាន់ក្រសួងអប់រំ តាមរយៈការសូចនាករប្រចាំឆ្នាំដែរ ក៏ប៉ុន្តែមិនមានការឆ្លើយតបឡើយ។
បើតាមលោក អ៊ីង ជា ការណ៍ដែលក្រសួងមិនទាន់ឆ្លើយ ទំនងជាមកពីចំនួនសិស្សនៅទីនេះ មានចំនួនតិចតួចនៅឡើយដែរ។ លោក អ៊ីង ពន្យល់ដូច្នេះថា៖ «ការស្នើសុំ គឺពាក់ព័ន្ធទៅនឹងកំណើនសិស្សដែរ។ ប្រសិនបើកំណើនសិស្សមានការកើនឡើងច្រើន តម្រូវការ និងការរៀបចំបណ្ណាល័យ សម្រាប់ឲ្យសិស្សក៏ច្រើន។ ប្រសិនបើមានកំណើនសិស្សកើនពីមួយឆ្នាំ ទៅមួយឆ្នាំ ការដាក់ស្នើទៅមន្ទីរអប់រំ យុវជន និងកីឡា ក្រសួង នឹងមានការរៀបចំបន្ទប់បណ្ណាល័យ»។
លោក អ៊ីង ជា នាយកសាលាបឋមសិក្សាតូនីតាកេ ដែលមានទីតាំងក្នុងភូមិសាស្ត្រឃុំត្រពាំងធំ ស្រុកទឹកឈូ ខេត្តកំពត
យ៉ាងណាក៏ដោយលោកនាយកសាលារូបនេះ ចង់ឱ្យក្រសួង ឬមន្ទីរអប់រំ គិតគូរដល់ការរៀបចំបណ្ណាល័យ នៅក្នុងសាលាខ្លួនឱ្យបានប្រសើរ និងទូលាយល្អ ដើម្បីរួមចំណែកទាក់ទាញសិស្សឱ្យចូលអាន និងស្វែងយល់បានកាន់តែច្រើន៕
(អត្ថបទនេះ គឺជាស្នាដៃរបស់ក្រុមយុវជន និងត្រូវបានរៀបរៀងឡើង ក្រោមជំនួយហិរញ្ញវត្ថុរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត តាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។ រាល់ខ្លឹមសារនៅក្នុងអត្ថបទនេះ គឺជាការទទួលខុសត្រូវរបស់ស្មេរ ឬផលិតករ ហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការ អភិវឌ្ឍអន្តរជាតិស៊ុយអ៊ែតនោះទេ)
© រក្សាសិទ្ធិដោយ thmeythmey.com