ជាតិ
រូបតំណាង។ រូបភាពពីក្រសួង កសិកម្ម រុក្ខាប្រមាញ់ និង នេសាទ
×![]()
ភ្នំពេញ៖ ក្នុងរយៈពេល១០ខែ ឆ្នាំ២០២២ កម្ពុជាបាននាំចេញអង្ករទៅកាន់ទីផ្សារអន្តរជាតិចំនួន ៥០៩, ២៤៩តោន កើនឡើង ៤៩,០៨០តោន ស្មើនឹង១០,៦៧ភាគរយ បើធៀបនឹងបរិមាណនាំចេញរយៈពេល១០ខែ ឆ្នាំ២០២១។ 
បើតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ក្នុងចំណោមអង្ករនាំចេញទាំង ៥០ម៉ឺនតោន មានអង្ករចំនួន ១៦៥,៦៣០តោន ត្រូវបាននាំចេញទៅកាន់ប្រទេសចំនួន ២៣ ក្នុងតំបន់អឺរ៉ុប។ ចំពោះការនាំចេញទៅអឺរ៉ុបនេះ កើនឡើងចំនួន ៥០,១៥៤តោន ស្មើនឹង៤៣,៤៣ភាគរយ។
ដោយឡែកការនាំចេញទៅប្រទេសចិន មានចំនួន ២៣១,៨៧៣តោន កើន ២,៦៩៦តោន ស្មើនឹង១,១៨ភាគរយ។ រីឯការនាំចេញទៅប្រទេសចំនួន ៤ ក្នុងតំបន់អាស៊ាន មានចំនួន ៤៨,២៥៣តោន កើន៤,៤៦៣តោន ស្មើនឹង១០,១៩ភាគរយ។ ចំណែកការនាំចេញទៅទិសដៅផ្សេងៗចំនួន២៦ប្រទេសទៀត មានចំនួន ៦៣៤៨៣តោន ថយចុះ១១,៤៨ភាគរយ។
សូមបញ្ជាក់ថា ក្នុងចំណោមអង្ករដែលបាននាំចេញ មានអង្ករក្រអូបគ្រប់ប្រភេទចំនួន ៣៤៨,៥០១តោន, អង្ករសគ្រប់ប្រភេទ មានចំនួន ១៤៨ ៩៣៣តោន និងអង្ករចំហុយគ្រប់ប្រភេទមានចំនួន ១១ ៨១៥តោន។ នេះបើតាមរបាយការណ៍ខាងលើ៕
Tag:
នាំចេញអង្ករ
កសិកម្ម
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
