ចាប់តាំងពីបង្កើតព្រឹត្តិការណ៍កីឡាបាល់ទាត់ពិភពលោកនៅឆ្នាំ១៩៣០ នៅអ៊ុយរុហ្កាយ រហូតដល់ឆ្នាំ២០១៨នៅរុស្ស៊ី មានតែកីឡាករម្នាក់គត់ ដែលធ្វើបាន hat-trick នៅវគ្គផ្តាច់ព្រ័ត្រ។ 

Geoff Hurst អតីតខ្សែប្រយុទ្ធក្រុមជម្រើសជាតិអង់គ្លេស ជាកីឡាករដំបូងបំផុតដែលរកបាន៣គ្រាប់ម្នាក់នៅវគ្គផ្តាច់ព្រ័ត្រ ក្នុងជ័យជមុ្នះ ៤-២ លើក្រុមអាល្លឺម៉ង់ (អាល្លឺម៉ង់ខាងលិច) នៅឆ្នាំ១៩៦៦។ Hurst ជាសមាជិកឆ្នើមក្នុងការជួយតោកំណាចអង់គ្លេសឈ្នះជើងឯកពិភលោកលើកដំបូងផងដែរ។
 

៥៦ឆ្នាំក្រោយ ខ្សែប្រយុទ្ធបារាំង Mbapp បានតាមស្មើកំណត់ត្រារបស់លោក Hurst ដែលសព្វថ្ងៃមានវ័យ៨១ឆ្នាំ។ Mbapp វ័យ២៣ឆ្នាំ ធ្វើបាន hat-trick ក្នុងការប្រកួតដែលបារាំងស្មើអាហ្សង់ទីន ៣-៣ មុនពេលចាញ់នៅវគ្គកាត់ក្តីប៉េណាល់ទីក្នុងលទ្ធផល ៤-២។
 

តាមស្មើកំណត់ត្រាលោក Hurst ខ្សែប្រយុទ្ធក្រុម Paris Saint-Germain ថែមទាំងទទួលបានស្បែកជើងមាសក្នុងនាមអ្នកស៊ុតបញ្ចូលទីច្រើនជាងគេនៅព្រឹត្តិការណ៍ World Cup នៅកាតាផងដែរ។
 

Mbapp រកបានគ្រាប់បាល់ស៊ុតបញ្ចូលទីសរុប៨គ្រាប់ តាមពីក្រោយដោយ Lionel Messi ដែលធ្វើបាន៧គ្រាប់។ Julian Avarez របស់អាហ្សង់ទីន និង Olivier Giroud ខ្សែប្រយុទ្ធបារាំង ធ្វើបាន៤គ្រាប់ស្មើគ្នា៕