ជាតិ
សេដ្ឋកិច្ច
លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទដឹកនាំកិច្ចប្រជុំពិភាក្សាលើការងារអភិវឌ្ឍធនធានមនុស្ស
×![]()
ក្នុងរយៈពេល១១ខែ ឆ្នាំ២០២២នេះ កម្ពុជា រកចំណូលបានជាង ៣ពាន់លានដុល្លារ ពីការនាំចេញស្រូវ អង្ករ និងកសិផលផ្សេងៗ។ នេះបើតាមរបាយការណ៍ស្ដីពីសភាពការណ៍កសិកម្ម រុក្ខាប្រមាញ់ និងនេសាទ ដែលចុះហត្ថលេខាដោយលោក ឌិត ទីណា កាលពីថ្ងៃទី១៥ ធ្នូ។ 
ក្រសួងកសិកម្ម រុក្ខាប្រមាញ់ និងនេសាទ បានប៉ាន់ស្មានថាការនាំចេញកសិផលក្នុងរយៈពេល១១ខែ អាចរកចំណូលគិតជាទឹកប្រាក់មានចំនួន ៣៣៦២ ៤០១ ៤០៣,៩៦លានដុល្លារ។ ក្នុងចំណោមចំណូលខាងលើ មាន៤៧៨ ០២៨ ៧៩០ដុល្លារ ជាចំណូលពីការនាំចេញអង្ករ, ចំណូលពីការនាំចេញស្រូវ មានចំនួន ៥៩១ ៤៦០ ២៤២ដុល្លារ និងចំណូលពីការនាំចេញកសិផលក្រៅពីស្រូវអង្ករ មានចំនួន ២ ២៩២ ៩១២ ៣៧១,៩៦ដុល្លារ។
ចំណូលទាំងនេះ បានមកពីការនាំចេញស្រូវ, អង្ករ, ដំឡូងមី, គ្រាប់ស្វាយចន្ទី, គ្រាប់ពោត, គ្រាប់សណ្ដែក, ផ្លែស្វាយ, ផ្លែចេកស្រស់, ដូងប្រេង, ម្រេច, ថ្នាំជក់, បន្លែចម្រុះ និងផលិតផលផ្សេងទៀត។ បើតាមរបាយការណ៍ខាងលើ ការនាំចេញអង្ករ, ដំឡូងមី, គ្រាប់សណ្ដែក, ដូងប្រេង ក្នុងរយៈពេល១១ខែ ឆ្នាំ២០២២នេះ មានកើនឡើង ខណៈកសិផលផ្សេងទៀត មានការធ្លាក់ចុះ៕
Tag:
កសិផល
កសិកម្ម
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
