ជាតិ
រូបភាពពីក្រសួងទេសចរណ៍
×![]()
ភ្នំពេញ៖ ចាប់ពីថ្ងៃទី១៩-២៥ ខែធ្នូ មានភ្ញៀវទេសចរជាតិ និងអន្តរជាតិចំនួន ៤៣៩ ០៤៦នាក់ ចេញដើរកម្សាន្តតាមតំបន់ទេសចរណ៍នានានៅទូទាំងប្រទេស។ នេះបើតាមរបាយការណ៍ស្ថិតិភ្ញៀវទេសចរផ្ទៃក្នុងប្រចាំសប្ដាហ៍របស់ក្រសួងទេសចរណ៍។
ក្នុងចំណោមភ្ញៀវទេសចរទាំង ៤៣៩ ០៤៦នាក់ មានភ្ញៀវទេសចរជាតិចំនួន ៤០២ ៣៤៧ និងអន្តរជាតិចំនួន ៣៦ ៦៩៩។ របាយការណ៍ក្រសួងទេសចរណ៍ បញ្ជាក់ថា ខេត្តព្រះសីហនុ ទទួលបានភ្ញៀវទេសចរច្រើនជាង រហូតដល់ ១៩០ ០១៥នាក់។ ដោយឡែកខេត្តសៀមរាប បានឈរលំដាប់ថ្នាក់លេខ ២ ដែលទទួលបានភ្ញៀវទេសចរចំនួន ៧៦ ០២២ និងភ្នំពេញ ឈរនៅលំដាប់ទី៣ មានទេសចរចំនួន ៣២ ១៧៥នាក់។
ចំណែកខេត្តកំពតវិញ ក៏ទទួលបានភ្ញៀវទេសចរច្រើន ក្នុងសប្ដាហ៍កន្លងទៅ ដោយមានចំនួន ២៧ ៦៨១នាក់ ឈរនៅលំដាប់ទី៤។ ក្រឡេកទៅមើលខេត្តបាត់ដំបង ដែលស្ថិតនៅភាគពាយ័ព្យប្រទេសកម្ពុជា បានឈរនៅលំដាប់ទី៥ ដែលទទួលបានទេសចរចំនួន ១៩ ៩៧០នាក់។
សូមបញ្ជាក់ថា នៅថ្ងៃឆ្លងឆ្នាំសកលខាងមុខនេះ រដ្ឋបាលខេត្តមួយចំនួន ក៏បានរៀបចំកម្មវិធីសម្រាប់ទទួលទេសចរ តួយ៉ាងខេត្តកែប មណ្ឌលគិរី កំពត និងខេត្តកំពង់ស្ពឺ នឹងមានកម្មវិធីកម្សាន្តសប្បាយជាច្រើន៕
Tag:
ទេសចរ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
