អាល្លឺម៉ង់ និងអាម៉េរិកបានសន្យាផ្តល់ជំនួយយោធាបន្ថែមទៀត ទៅក្រុងកៀវ ដើម្បីប្រឆាំងនឹងរុស្ស៊ី។ ក្នុងសេចក្តីថ្លែងការណ៍រួម ប្រធានាធិបតីអាម៉េរិក និងអធិការបតីអាល្លឺម៉ង់ ថាខ្លួនអាចបញ្ជូនរថយន្តពាសដែក  Bradley Infantry Fighting Vehicles ទៅអ៊ុយក្រែន។

 

ជាការឆ្លើយតប លោក វ៉ូឡូឌីមៀ ហ្សេលេនស្គី ប្រធានាធិបតីអ៊ុយក្រែន បានអរគុណអាម៉េរិកដែលផ្តល់ជំនួយរថយន្តនោះ ​​និងចាត់ទុកទស្សនកិច្ចរបស់ខ្លួននៅអាម៉េរិក ក្នុងខែមុន បានផ្តល់ផលដ៏ល្អ។ ជំនួយរថយន្តនេះ ជាផ្នែកមួយនៃកញ្ចប់ថវិកាយោធា ៣ពាន់លានដុល្លាររបស់អាម៉េរិក សម្រាប់អ៊ុយក្រែន។ 

 

«ជាលើកដំបូង យើងបានទទួលរថយន្តពាសដែក Bradley ដែលជាអ្វីយើងត្រូវការ»។ ប្រធានាធិបតីអ៊ុយក្រែន បានសង្កត់ធ្ងន់បែបនេះ ដោយបន្តថា មកទល់ពេលនេះ អ៊ុយក្រែន មានអាវុធជាច្រើនដូចជាប្រព័ន្ធការពារអាកាស រថយន្តពាសដែក រថក្រោះរបស់ប្រទេសលោកខាងលិច រួមមទាំងអាវុធជាច្រើនទៀត។ 

 

ត្រង់ចំណុចនេះ លោក​ ហ្សេលេនស្គី ទំនងចង់មានន័យថា អាវុធដែលជាជំនួយពីប្រទេសដទៃនោះ អាចជួយឱ្យអ៊ុយក្រែនមានទំនុកចិត្តបន្ថែមទៀត ក្នុងការប្រឆាំង និងវាយបកលើរុស្ស៊ី៕