ដោយ៖ ធីតា 

 

 ប្រភេទត្រីធូណាដែលមានព្រុយពណ៌ខៀវនេះ មាន​ឈ្មោះ​ជាទូទៅ​ថា ត្រី Oma Tuna ដោយ​សារ​វាត្រូវបាននេសាទបាននៅ​តំបន់សមុទ្រក្រុង Oma។ ដូចជាឆ្នាំកន្លងមកផងដែរ ក្រុមហ៊ុនភោជនីយដ្ឋានស៊ូស៊ី Onadera Group រួមជាក្រុមហ៊ុន Yamayuki បាន​ឈ្នះ​ក្នុងការ​ដេញថ្លៃ។

 

 យោងតាមការផ្សាយ​របស់ The Japan Times ការលក់បាន​តម្លៃ​ជាង​២៧ម៉ឺន​ដុល្លារ គឺ​ជាតម្លៃ​ខ្ពស់​បំផុត​លំដាប់ទី៦ បើគិត​ចាប់តាំងពី​ការ​ចាប់ផ្តើម​អស់រយៈពេលជាង​២០​ឆ្នាំកន្លងមក។ ម្យ៉ាងទៀត នេះក៏ជាតម្លៃខ្ពស់​លើកដំបូង​ផងដែរ ក្រោយការធ្លាក់​ចុះ​៣ឆ្នាំកន្លងមក ដោយសារកូវីដ-១៩។

  

Sushi Ginza Onedera ក៏បែងចែក​សាច់ត្រី Oma Tuna ទៅបណ្តា​ភោជនីយដ្ឋានដែល​ជាដៃគូ​ទូទាំងពិភពលោក ក្នុងនោះ​មាននៅក្រុងញូវយ៉ក និងឡូសអែនជឺឡែស សហរដ្ឋអាម៉េរិក ផងដែរ។ លោក Akifumi Sakagami ដែលជាមេចុងភៅ បានអះអាងថា៖ «អ្នក​ដែល​បានញ៉ាំត្រីនេះ ច្បាស់ជារីករាយក្នុងអារម្មណ៍ជាមិនខាន»។

 

គេហទំព័រ MarketWatch បាន​បញ្ជាក់ថា នៅញូកយ៉ក តម្លៃ​អាហារត្រីធូណាប្រភេទនេះ សម្រាប់ម្ហូបមួយមុខ មានតម្លៃ​យ៉ាងតិចបំផុត ១៣០​ដុល្លារចំពោះអាហារថ្ងៃត្រង់ និង​ចាប់ពី​៤៥០ដុល្លារចំពោះអាហារពេល​ល្ងាច។

 

តម្លៃដែលខ្ពស់​បំផុតជាកំណត់ត្រាកន្លងមក គឺ​ជិត ២,៨៥លាន​ដុល្លារដុល្លារ នា​ការ​ដេញថ្លៃមួយ កាលពី​ឆ្នាំ២០១៩ មុន​ការផ្ទុះកូវីដ-១៩៕