បើតាម ​ប្រធានមណ្ឌលរូបនេះ ​ កាលពីមុនពេលការរាតត្បាតនៃជំងឺកូវីដ-១៩ មានអ្នកជំងឺទៅរកសេវាសុខភាពពី ៤០០ទៅ៦០០នាក់ ក្នុងមួយខែ តែបន្ទាប់ពីវិបត្តិ​កូវីដ-១៩ ​អ្នកទទួលសេវាថយចុះនៅចន្លោះពី ៤៥០ ទៅ ៥០០នាក់ប៉ុណ្ណោះ។ អ្នកគ្រូពេទ្យ សនិកា ពន្យល់បន្ថែមពីមូលហេតុនៃការថយចុះនេះដូច្នេះថា ៖ «ដោយសារថ្នាំនៅមណ្ឌលសុខភាព មានជាលក្ខណៈសង្រ្គោះបឋម និងព្យាបាលទូទៅ ទើបពួកគាត់ទៅរកសេវាឯកជនក្បែរផ្ទះ ព្រោះនៅជិតផ្ទះ ឆាប់បាន និងងាយស្រួល»។


   អ្នកស្រី ឡុង សនិកា ប្រធានមណ្ឌលសុខភាពស្រយ៉ូវ។

 

នៅមណ្ឌលសុខភាពស្រយ៉ូវ អ្នកដែលទៅទទួលសេវាច្រើនជាងគេគឺ ជំងឺផ្ដាសាយ គ្រុនពោះវៀន ក្រពះ របេង លើសសម្ពោធឈាម និងជំងឺទឹកនោមផ្អែមជាដើម។ អ្នកគ្រូពេទ្យ សនិកា លើកឡើងបែបនេះ ហើយបន្ថែមថា មណ្ឌលសុខភាពស្រយ៉ូវ គឺផ្ដល់សេវាសុខភាពជូនប្រជាពលរដ្ឋទាំងអស់ មិនមែនផ្ដល់ឱ្យតែពលរដ្ឋនៅក្នុងសង្កាត់ស្រយ៉ូវនោះទេ សង្កាត់ផ្សេង និងអ្នកដំណើរមកពីចម្ងាយ គឺផ្ដល់សេវាជូនទាំងអស់។ 
 

ជាមួយគ្នានេះ អ្នកគ្រូពេទ្យសនិកា បានសំណូមពរដល់ប្រជាពលរដ្ឋឱ្យទៅទទួលសេវានៅមណ្ឌលសុខភាពឱ្យបានគ្រប់ៗគ្នា គឺមិនថា ពេលយប់ ឬថ្ងៃ ចាប់ពីថ្ងៃចន្ទដល់ថ្ងៃអាទិត្យ មានគ្រូពេទ្យប្រចាំការជារៀងរាល់ថ្ងៃ៕

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ