កីឡាជាតិ
ជាតិ
Elroy របស់បឹងកេត និង សុក រិទ្ធី របស់ណាហ្គាខប ប្រជែងគ្នាយកបាល់។ រូបថត កឹម សុវណ្ណា
×![]()
ដោយ: រួបរួម
ការប្រកួតក្របខណ្ឌមិត្តហ្វូនខេមបូឌានលីក២០១៤ បានឈានចូលសប្តាហ៍ទី៤កាលពីថ្ងៃសៅរ៍ ទី១៥ ខែកុម្ភៈ ប៉ុន្តែស្វាយរៀង និងវេស្ទើនយូនីអែហ្វស៊ី នៅសល់មួយប្រកួតតាមពីក្រោម។ សម្រាប់ជំនួបនៅលើទីលានពហុកីឡដ្ឋានជាតិ ចម្កាកៅស៊ូបឹងកេតយកឈ្នះណាហ្គាខប ២-១ មុនពេលគិរីវង់សុខសែនជ័យបញ្ចប់ក្នុងលទ្ធផលស្មើ ១-១ ។ រីឯនៅលើទីលានស្តាតចាស់ ស្វាយរៀងទទួលជ័យជម្នះ ១-០ លើត្រាយអេស៊ីភ្នំពេញ ហើយការប្រកួតបន្ទាប់ ក្រសួងការពារជាតិស្មើ ១-១ ជាមួយសកលវិទ្យាល័យអាស៊ីអឺរ៉ុប។
បឹងកេតស្តារមុខមាត់ក្រោយចាញ់ពីរប្រកួតជាប់គ្នា
ក្រុមចម្ការកៅស៊ូបឹងកេតបានលុបលាងនូវការខកចិត្តរបស់ខ្លួនពីរលើកកន្លងមក តាមរយៈការទទួលជ័យជម្នះ ២-១ លើណាហ្គាខបក្នុងការប្រកួតដ៏តឹងតែងមួយ។ ខ្សែប្រយុទ្ធ ចាន់ វឌ្ឍនាកា បានរកគ្រាប់បាល់បើកនៅត្រឹមនាទី ទី២ ហើយខ្សែប្រយុទ្ធ ហូឡង់ Elroy van der Hoft បង្កើនការនាំមុខសម្រាប់បឹងកេតនៅនាទី ទី១៧ ។ គ្រាប់បាល់វាយបករបស់ណាហ្គាខបធ្វើបានសម្រេចដោយកីឡាករបម្រុង ជួន ជុំ នៅក្នុងនាទី ទី៨៤។
លទ្ធផលនេះ បាននាំឲ្យបឹងកេតដែលដឹកនាំដោយលោក ប្រាក់ វុទ្ធី ទទួលបានពិន្ទុសរុបចំនួន៦ ខណៈណាហ្គាខប របស់លោកប្រាក់ សុវណ្ណារ៉ា ដែលជាប្អូនប្រុសបង្កើតរបស់លោករក្សា៧ពិន្ទុក្នុងដៃ ដោយខកឱកាសក្នុងការនាំមុខ៣ពិន្ទុលើកំពូលតារាង។
គិរីវង់មិនទាន់ស្គាល់ឈ្នះ វេស្ទើនមិនទាន់ស្គាល់ចាញ់
ការប្រកួតបញ្ចប់ក្នុងលទ្ធផលស្មើ ១-១ បាននាំឲ្យគិរីវង់សុខសែនជ័យ បានដំណើរទៅមុខយ៉ាងយឺត ដោយពួកគេមានត្រឹមតែ២ពិន្ទុប៉ុណ្ណោះក្នុងការប្រកួត៤លើកកន្លងមករបស់ខ្លួន។ សម្រាប់វេស្ទើនយូនីអែហ្វស៊ី ការចាប់ផ្តើមរដូវកាលរបស់ពួកគេមិនទាន់ស្គាល់ពាក្យបរាជ័យឡើយ ដោយពួកគេបានចាប់ផ្តើមជាមួយនឹងជ័យជម្នះ ហើយស្មើនាការប្រកួតពីរលើកចុងក្រោយដើម្បីទទួលបាន៥ពិន្ទុក្នុងដៃ។
ខ្សែប្រយុទ្ធប្រេស៊ីល Carlos Alberto បានស៊ុតបាល់បញ្ចូលនាំមុខសម្រាប់គិរីវង់នៅក្នុងតង់ទីមួយ ប៉ុន្តែខ្សែប្រយុទ្ធនីហ្សេរីយ៉ា David Njoku ដែលជាអតីតកីឡាករម្នាក់របស់គិរីវង់ បានរកគ្រាប់បាល់តាមស្មើវិញសម្រាប់វេស្ទើននៅក្នុងតង់ទីពីរ។
ខ្សែបម្រើ ហូយ ផល្លីន រកបានបីពិន្ទុឲ្យស្វាយរៀង
ខ្សែបម្រើ ហូយ ផល្លីន បានស៊ុតបាល់បញ្ចូលទីតែមួយគ្រាប់គត់ដើម្បីនាំជ័យជម្នះដល់ក្លិបស្វាយរៀងនាជំនួបជាមួយត្រាយអេស៊ីភ្នំពេញដែលដឹកនាំដោយគ្រូបង្វឹកជប៉ុន Daisuke Yoshioka និងជាអតីតគ្រូបង្វឹក U-16 ជម្រើសជាតិកម្ពុជារបស់កីឡាករវ័យក្មេងរូបនេះ។
ការទទួលបានបីពិន្ទុបន្ថែមនាំឲ្យក្លិបស្វាយរៀង របស់លោក សំ វ៉ាន់ដេត មានពិន្ទុសរុបចំនួន៧ ស្មើត្រាយអេស៊ី ប៉ុន្តែចាញ់ប្រៀបលើចំនួនគ្រាប់បាល់ដែលបានស៊ុតបញ្ចូលទី។ នៅក្នុងការប្រកួតនេះ ត្រាយអេស៊ី មិនមានវត្តមានខ្សែប្រយុទ្ធ សុខ ច័ន្ទរស្មី ឡើយ ដោយកីឡាកររូបនេះ មានរឿងចម្រូងចម្រាសជាមួយគ្រូបង្វឹកក្រោយបរាជ័យ ១-០ ដោយសារអគ្គស្នងការដ្ឋាននគរបាលជាតិ នាការប្រកួតដណ្តើមពានរង្វាន់សម្តេច ហ៊ុន សែន។ ដោយឡែក លោក ហុក សុជីវ័ន លែងមានតួនាទីជាគ្រូជំនួយទៀតឡើយ ដោយលោកបានសម្រេចលាលែង បន្ទាប់ពីលោក Daisuke ត្រូវបានគេមើលឃើញថា បានវាយជំនួយការជនជាតិជប៉ុនរបស់ខ្លួនកាលពីថ្ងៃពុធកន្លងមក ហើយសមាជិកគ្រូបង្វឹក និងកីឡាករមួយចំនួនក៏ទទួលរងនូវការស្តីបន្ទោសផងដែរ។
ក្រសួងការពារជាតិ និងអាស៊ីអឺរ៉ុបរកឈ្នះមិនទាន់ឃើញឡើយ
ខ្សែបម្រើ ពៅ ភារិទ្ធ បានស៊ុតបាល់បញ្ចូលទីនាំមុខសម្រាប់ក្រសួងការពារជាតិ ប៉ុន្តែ សុខ សេងតារា បានវាយបកតាមស្មើវិញសម្រាប់អាស៊ីអឺរ៉ុប ដែលធ្វើឲ្យការប្រកួតបញ្ចប់ក្នុងលទ្ធផលស្មើ ១-១។ ដូច្នេះឆ្លងកាត់ការប្រកួត៤សប្តាហ៍កន្លងមក ក្រុមទាំងពីរមិនទាន់ស្គាល់ជាតិឈ្នះឡើយ។
ក្រសួងការពារជាតិ មាន៣ពិន្ទុ ក្រោយចាញ់១ និងស្មើ៣ ខណៈអាស៊ីអឺរ៉ុបមានត្រឹម២ពិន្ទុ ក្រោយចាញ់២ ស្មើ២៕
បឹងកេតស្តារមុខមាត់ក្រោយចាញ់ពីរប្រកួតជាប់គ្នាក្រុមចម្ការកៅស៊ូបឹងកេតបានលុបលាងនូវការខកចិត្តរបស់ខ្លួនពីរលើកកន្លងមក តាមរយៈការទទួលជ័យជម្នះ ២-១ លើណាហ្គាខបក្នុងការប្រកួតដ៏តឹងតែងមួយ។ ខ្សែប្រយុទ្ធ ចាន់ វឌ្ឍនាកា បានរកគ្រាប់បាល់បើកនៅត្រឹមនាទី ទី២ ហើយខ្សែប្រយុទ្ធ ហូឡង់ Elroy van der Hoft បង្កើនការនាំមុខសម្រាប់បឹងកេតនៅនាទី ទី១៧ ។ គ្រាប់បាល់វាយបករបស់ណាហ្គាខបធ្វើបានសម្រេចដោយកីឡាករបម្រុង ជួន ជុំ នៅក្នុងនាទី ទី៨៤។
លទ្ធផលនេះ បាននាំឲ្យបឹងកេតដែលដឹកនាំដោយលោក ប្រាក់ វុទ្ធី ទទួលបានពិន្ទុសរុបចំនួន៦ ខណៈណាហ្គាខប របស់លោកប្រាក់ សុវណ្ណារ៉ា ដែលជាប្អូនប្រុសបង្កើតរបស់លោករក្សា៧ពិន្ទុក្នុងដៃ ដោយខកឱកាសក្នុងការនាំមុខ៣ពិន្ទុលើកំពូលតារាង។
គិរីវង់មិនទាន់ស្គាល់ឈ្នះ វេស្ទើនមិនទាន់ស្គាល់ចាញ់ការប្រកួតបញ្ចប់ក្នុងលទ្ធផលស្មើ ១-១ បាននាំឲ្យគិរីវង់សុខសែនជ័យ បានដំណើរទៅមុខយ៉ាងយឺត ដោយពួកគេមានត្រឹមតែ២ពិន្ទុប៉ុណ្ណោះក្នុងការប្រកួត៤លើកកន្លងមករបស់ខ្លួន។ សម្រាប់វេស្ទើនយូនីអែហ្វស៊ី ការចាប់ផ្តើមរដូវកាលរបស់ពួកគេមិនទាន់ស្គាល់ពាក្យបរាជ័យឡើយ ដោយពួកគេបានចាប់ផ្តើមជាមួយនឹងជ័យជម្នះ ហើយស្មើនាការប្រកួតពីរលើកចុងក្រោយដើម្បីទទួលបាន៥ពិន្ទុក្នុងដៃ។
ខ្សែប្រយុទ្ធប្រេស៊ីល Carlos Alberto បានស៊ុតបាល់បញ្ចូលនាំមុខសម្រាប់គិរីវង់នៅក្នុងតង់ទីមួយ ប៉ុន្តែខ្សែប្រយុទ្ធនីហ្សេរីយ៉ា David Njoku ដែលជាអតីតកីឡាករម្នាក់របស់គិរីវង់ បានរកគ្រាប់បាល់តាមស្មើវិញសម្រាប់វេស្ទើននៅក្នុងតង់ទីពីរ។
ខ្សែបម្រើ ហូយ ផល្លីន រកបានបីពិន្ទុឲ្យស្វាយរៀង
ខ្សែបម្រើ ហូយ ផល្លីន បានស៊ុតបាល់បញ្ចូលទីតែមួយគ្រាប់គត់ដើម្បីនាំជ័យជម្នះដល់ក្លិបស្វាយរៀងនាជំនួបជាមួយត្រាយអេស៊ីភ្នំពេញដែលដឹកនាំដោយគ្រូបង្វឹកជប៉ុន Daisuke Yoshioka និងជាអតីតគ្រូបង្វឹក U-16 ជម្រើសជាតិកម្ពុជារបស់កីឡាករវ័យក្មេងរូបនេះ។
ការទទួលបានបីពិន្ទុបន្ថែមនាំឲ្យក្លិបស្វាយរៀង របស់លោក សំ វ៉ាន់ដេត មានពិន្ទុសរុបចំនួន៧ ស្មើត្រាយអេស៊ី ប៉ុន្តែចាញ់ប្រៀបលើចំនួនគ្រាប់បាល់ដែលបានស៊ុតបញ្ចូលទី។ នៅក្នុងការប្រកួតនេះ ត្រាយអេស៊ី មិនមានវត្តមានខ្សែប្រយុទ្ធ សុខ ច័ន្ទរស្មី ឡើយ ដោយកីឡាកររូបនេះ មានរឿងចម្រូងចម្រាសជាមួយគ្រូបង្វឹកក្រោយបរាជ័យ ១-០ ដោយសារអគ្គស្នងការដ្ឋាននគរបាលជាតិ នាការប្រកួតដណ្តើមពានរង្វាន់សម្តេច ហ៊ុន សែន។ ដោយឡែក លោក ហុក សុជីវ័ន លែងមានតួនាទីជាគ្រូជំនួយទៀតឡើយ ដោយលោកបានសម្រេចលាលែង បន្ទាប់ពីលោក Daisuke ត្រូវបានគេមើលឃើញថា បានវាយជំនួយការជនជាតិជប៉ុនរបស់ខ្លួនកាលពីថ្ងៃពុធកន្លងមក ហើយសមាជិកគ្រូបង្វឹក និងកីឡាករមួយចំនួនក៏ទទួលរងនូវការស្តីបន្ទោសផងដែរ។
ក្រសួងការពារជាតិ និងអាស៊ីអឺរ៉ុបរកឈ្នះមិនទាន់ឃើញឡើយ
ខ្សែបម្រើ ពៅ ភារិទ្ធ បានស៊ុតបាល់បញ្ចូលទីនាំមុខសម្រាប់ក្រសួងការពារជាតិ ប៉ុន្តែ សុខ សេងតារា បានវាយបកតាមស្មើវិញសម្រាប់អាស៊ីអឺរ៉ុប ដែលធ្វើឲ្យការប្រកួតបញ្ចប់ក្នុងលទ្ធផលស្មើ ១-១។ ដូច្នេះឆ្លងកាត់ការប្រកួត៤សប្តាហ៍កន្លងមក ក្រុមទាំងពីរមិនទាន់ស្គាល់ជាតិឈ្នះឡើយ។
ក្រសួងការពារជាតិ មាន៣ពិន្ទុ ក្រោយចាញ់១ និងស្មើ៣ ខណៈអាស៊ីអឺរ៉ុបមានត្រឹម២ពិន្ទុ ក្រោយចាញ់២ ស្មើ២៕
© រក្សាសិទ្ធិដោយ thmeythmey.com
