បើតាមសម្ដេច ហ៊ុន សែន ការធ្វើចលនាជាតិនេះ គឺសំដៅលើការស្រែករាប់ថយក្រោយជារៀងរាល់ថ្ងៃ ចាប់ពី ១០០ថ្ងៃ , ៩៩ថ្ងៃ , ៩៨ ថ្ងៃ រហូតដល់ថ្ងៃប្រារព្ធស៊ីហ្គេម នៅថ្ងៃទី៥ ឧសភា ដល់ ១៧ ឧសភា។ សម្ដេច បានសង្កត់ធ្ងន់ថា ការធ្វើចលនាជាតិនេះ ជាការផ្សព្វផ្សាយឱ្យបានទូលំទូលាយថែមទៀត សម្រាប់ការធ្វើស៊ីហ្គេម លើកដំបូងនៅកម្ពុជា។
 

គួរបញ្ជាក់ថា គណៈកម្មាធិការជាតិរៀបចំព្រឹត្តិការណ៍កីឡាប្រជាជាតិអាស៊ីអាគ្នេយ៍ (CAMSOC) នឹងរៀបចំពិធីរាប់ថយក្រោយ១០០ថ្ងៃ នៃការប្រកួតស៊ីហ្គេម នាថ្ងៃទី២៥ មករា។ សម្រាប់ការប្រកួតស៊ីហ្គេមនេះ មានជាង៣០ប្រភេទកីឡា ។