ការព្យាកររបស់ក្រសួងធនធានទឹក និងឧតុនិយម​ បញ្ជាក់ថា​ ចាប់ពីថ្ងៃទី១៥-២១ ខែកុម្ភៈ កម្ពុជានឹងទទួលឥទ្ធិពលពីទ្រនុងសម្ពាធខ្ពស់ពីចិន បូករួមជាមួយខ្យល់មូសុង ដែលធ្វើឱ្យតំបន់ទំនាបកណ្ដាលនៅថ្ងៃទី១៥ ខែកុម្ភៈ អាចមានភ្លៀងកម្រិតតិចទៅមធ្យម។ បន្ទាប់មកបរិមាណភ្លៀង នឹងថមថយមកវិញ ក្នុងកម្រិតខ្សោយទៅតិចតួច។ 
 

ចំណែក​តំបន់ខ្ពង់រាប អាចមានភ្លៀងតិចតួចលាយឡំ និងខ្យល់បក់ក្នុងល្បឿនមធ្យម។ ចំពោះតំបន់មាត់សមុទ្រវិញ នៅថ្ងៃទី១៥ ខែកុម្ភៈ អាចមានភ្លៀងក្នុងកម្រិតពីតិច ទៅមធ្យម​។ បន្ទាប់មក បរិមាណភ្លៀងនឹងថមថយមកក្នុងកម្រិតខ្សោយ ទៅតិចតួច៕