ពិធីចែកសៀវភៅនេះ បានប្រារព្វធ្វើឡើងនៅថ្ងៃទី០៥ ខែមីនា ឆ្នាំ២០២៣ និងនៅថ្ងៃទី០៧ ខែមីនា ឆ្នាំ២០២៣ នាជាន់ផ្ទាល់ដីផ្សារទំនើបអូឡាំព្យា រាជធានីភ្នំពេញ។

 

សៀវភៅចំនួន ១,១០០ក្បាលបានផ្តល់ជូនចំពោះសិស្សានុសិស្ស ៣៦៧នាក់ ដែលរៀននៅ ៣ វិទ្យាល័យ គឺ វិទ្យាល័យជាស៊ីមសាមគ្គី វិទ្យាល័យទួលទំពូង និងវិទ្យាល័យឥន្រ្ទទេវី ។ ចំណែកសៀវភៅចំនួន ១៦០០ ក្បាលទៀតផ្តល់ជូនចំពោះបណ្ណាល័យចំនួន ១១ គឺ បណ្ណាល័យអង្គការដើម្បីភាពញញឹមនៃកុមារ បណ្ណាល័យអង្គការផ្កាយសមុទ្រ បណ្ណាល័យអង្គការគ្រួសារថ្មី បណ្ណាល័យអង្គការភូមិកុមារ SOS បណ្ណាល័យមណ្ឌលកុមារភ្នំពេញថ្មី បណ្ណាល័យវិទ្យាល័យជាស៊ីមសាមគ្គី បណ្ណាល័យវិទ្យាល័យទួលទំពូង បណ្ណាល័យវិទ្យាល័យឥន្រ្ទទេវី និងបណ្ណាល័យវត្តចំនួន ៣ គឺវត្តនាគវ័ន វត្តមហាមន្រ្តី និងវត្តសំពៅមាស។ 

 

សទ្ធាដ៏ជ្រះថ្លាមួយនេះ គឺដើម្បីឲ្យប្អូនៗកុមារ សិស្សានុសិស្ស និងព្រះសង្ឃគង់នៅវត្ត អាចធ្វើការអាន ដើម្បីក្រេបជញ្ជក់យកចំណេះដឹងសម្រាប់អភិវឌ្ឍន៍សមត្ថភាពក្នុងការជួយខ្លួនឯង ជួយគ្រួសារ និងជួយសង្គមជាតិយើង៕