ព្រះអង្គ បារម្ភថា ការប្រើភាសាអាសអាភាសបែបនេះ នឹងជះឥទ្ធិពលអាក្រក់ដល់ស្មារតីក្មេងៗ ដែលជាកូនចៅខ្មែរជំនាន់ក្រោយ រួមទាំងសង្គមទាំងមូល។ ផ្ទុយមកវិញ ព្រះអង្គ អំពាវនាវឲ្យសិល្បករ ជួយផ្សព្វផ្សាយសារ ដែលអាចជំរុញឲ្យយុវជនមានទឹកចិត្តចង់អាន ដើម្បីប្រយោជន៍ដល់សង្គមជាតិ។ 
 

ព្រះតេជគុណ យ៉ន សេង យៀត មានសង្ឃដីកាពីទម្លាប់អាក្រក់នៃការប្រើភាសាអាសអាភាសនេះ ក្នុងឱកាសដែលព្រះអង្គនិមន្តធ្វើជាវាគ្មិន ក្នុងពិធីអបអរសាទរទិវាជាតិអំណានលើកទី៨ ដែលរៀបចំឡើងដោយក្រសួងអប់រំ យុវជន និងកីឡា កាលពីថ្ងៃទី១១ ខែមីនា ឆ្នាំ២០២៣៕