ផ្នែកខ្លះនៃប្រាសាទព្រះគោ ដែលខូចខាត ឬបាត់បង់ទម្រង់នោះ ត្រូវបានអាជ្ញាធរជាតិអប្សរា បន្តជួសជុលឥតស្រាកស្រាន្ត តាំងពីឆ្នាំ១៩៩៤មក។ ងាកមកមើលពីរបៀបជួសជុលថ្មប្រាសាទវិញម្តង កម្មករប្រមាណ ៤ទៅ៥នាក់ កំពុងជួសជុលរោងទង នៅខាងមុខព្រះប្រាសាទព្រះគោ។ ការជួសជុល មានផលលំបាកច្រើន ដ្បិតត្រូវស្វែងរកបំណែកដែលបែកចេញទម្រង់ដើម រួចរៀបចំបិតឡើងវិញ។ 

 

ចាប់ផ្តើមពីម៉ោង ៧កន្លះព្រឹក កម្មករទាំងនោះត្រូវបែងចែកកម្លាំងធ្វើការ ទៅតាមមុខងាររៀងៗខ្លួន។ អ្នកខ្លះអង្គុយលាយបាយអ សម្អាតថ្មភក់ ប្រមូលកម្ទេចថ្មដែលបែកយកមកផ្គុំឡើងវិញជាដើម។ ពួកគាត់ តែងធ្វើការងារដដែលៗនេះ រហូតដល់ម៉ោងជិត ៥ល្ងាច ទើបត្រឡប់ទៅគេហដ្ឋានវិញ។ ការជួសជុស ត្រូវការភាពប៉ិនប្រសព្វ និងម៉ត់ចត់បន្តិច ព្រោះទីតាំងដែលកំពុងតែជួសជុលនេះ ហាក់មានសភាពទ្រុឌទ្រោម។