ការប្រកួតស៊ីហ្គេម លើកទី៣១ ឆ្នាំ២០២២ នៅប្រទេសវៀតណាម ក្រុមជម្រើសជាតិកម្ពុជា បានធ្លាក់ត្រឹមវគ្គចែកពូល ។ ម្ចាស់ផ្ទះវៀតណាម ឈ្នះមេដាយមាស ,រីឯថៃ រងជើងឯក ដោយឈ្នះមេដាយប្រាក់ និងមេដាយសំរិទ្ធ បានទៅលើក្រុមជម្រើសជាតិឥណ្ឌូណេស៊ី។ 
 

កម្ពុជា បានត្រៀមកីឡដ្ឋានចំនួន ២សម្រាប់ប្រកួតវិញ្ញាសាបុរស គឺ ពហុកីឡដ្ឋានជាតិអូឡាំពិក និងកីឡដ្ឋានព្រីនស៍។ ពហុកីឡដ្ឋានជាតិអូឡាំពិក អាចផ្ទុកអ្នកគាំទ្របានចំនួន ៧០០០០នាក់ ខណៈ កីឡដ្ឋានព្រីនស៍ ផ្ទុកអ្នកទស្សនាបាន ១៥០០០នាក់។ ការប្រកួតស៊ីហ្គេម លើកទី៣២ នឹងត្រូវចាប់បើកជាផ្លូវការថ្ងៃទី៥ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ៕