លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា នៅក្នុងកិច្ចសម្ភាសជាមួយអ្នកសារព័ត៌មានបានឱ្យដឹងថា ការប្រកួតបាល់ទះមិត្តភាពអន្តរជាតិរវាងក្រុមម្ចាស់ផ្ទះកម្ពុជា និងចិន នៅប្រទេសកម្ពុជា នឹងមាន VAR ដែលជាជំនួយរបស់គណៈកម្មាធិការជាតិ CAMSOC។

 

 

លោក អាំង សិរីពិសិដ្ឋ និយាយថា៖«ឥឡូវនេះកាម៉េរាយើងមាន២១ហើយដែលបានមកដល់កម្ពុជា នៅក្នុងស្តាតអូឡាំពិក ហើយនេះជាកំណែទម្រង់ចុងក្រោយ មានន័យថាយើងទំនើបជាងម្ចាស់ផ្ទះស៊ីហ្គេមនានា»។ ទាំងអស់នេះហើយដែលមន្រ្តីសហព័ន្ធមានទំនុកចិត្តសម្រាប់ក្រុមបាល់ទះកម្ពុជា ដែលអាចឈានទៅរកភាពជោគជ័យនាការប្រកួតកីឡាស៊ីហ្គេម២០២៣។

 

យ៉ាងណាលោកអគ្គលេខាធិការបន្ថែមថា នៅលើទីលានចាញ់ ឬឈ្នះ ត្រូវធ្វើឱ្យមានភាពយុត្តិធម៌ តម្លាភាព ដើម្បីបន្សល់ទុកប្រវត្តិល្អៗជាមួយប្រទេសចូលរួម។

 

គួបញ្ជាក់ថា ការប្រកួតបាល់ទះមិត្តភាពអន្តរជាតិរវាងក្រុមម្ចាស់ផ្ទះកម្ពុជា នឹងធ្វើនៅទីលានបាល់ទះក្នុងសាល ក្នុងបរិវេណពហុកីឡដ្ឋានជាតិអូឡាំពិក ថ្ងៃទី៥ ខែមេសា ឆ្នាំ២០២៣ វេលាម៉ោង៦ល្ងាចតទៅ។ តាមការបញ្ជាក់ពីមន្រ្តីសហព័ន្ធ ការប្រកួតនេះដែរនឹងមិនមានការលក់សំបុត្រនោះទេ ពោលមហាជនអាចចូលទស្សនាដោយសេរី៕