ជាតិ
រដ្ឋបាលរាជធានីភ្នំពេញ នឹងពិចារណាផ្ដល់រថយន្តក្រុងដឹកពលរដ្ឋឱ្យបានគ្រប់ខេត្ត នៅពេលមានតម្រូវការច្រើន ពលរដ្ឋមកជិះរថយន្តក្រុងសាធារណៈ
× ភ្នំពេញ៖ លោក ឃួង ស្រេង អភិបាលរាជធានីភ្នំពេញ បលើកឡើងថា រដ្ឋបាលរាជធានី កំពុងគិតគូរលើការផ្ដល់រថយន្តក្រុងដឹកពលរដ្ឋទៅស្រុកកំណើត ក្នុងឱកាសពិធីបុណ្យចូលឆ្នាំខ្មែរ ឱ្យបានគ្រប់ខេត្ត ប្រសិនបើមានតម្រូវការច្រើន។
ក្នុងរដូវកាលចូលឆ្នាំខ្មែរនេះ ចាប់ពីថ្ងៃទី១៣-១៧ ខែមេសារដ្ឋបាលរាជធានីភ្នំពេញ បានរៀបចំរថយន្តក្រុងចំនួន ៣៤៥គ្រឿង សម្រាប់ដឹកពលរដ្ឋទៅស្រុកកំណើតដោយឥតគិតថ្លៃ។ រថយន្តក្រុងទាំង ៣៤៥គ្រឿងនេះ ធ្វើដំណើរទៅកាន់រាជធានី-ខេត្តចំនួន ១៩ប៉ុណ្ណោះ ខណៈខេត្តប៉ៃលិន, កោះកុង, ព្រះវិហារ, ឧត្តរមានជ័យ, រតនគិរី និងមណ្ឌលគិរី មិនមានរថយន្តក្រុងទៅដល់ទេ។
ចំពោះ បញ្ហានេះ លោក ឃួង ស្រេង អភិបាលរាជធានីភ្នំពេញ បានប្រាប់អ្នកសារព័ត៌មានថ្មីៗថា រដ្ឋបាលរាជធានី កំពុងគិតគូរលើចំណុចនេះ ជាពិសេសនឹងមានការផ្ដល់ជូនគ្រប់ខេត្តក្រុង ប្រសិនបើមានតម្រូវការច្រើន។
សូមបញ្ជាក់ថា សម្រាប់ពលរដ្ឋមានបំណងធ្វើដំណើរទៅស្រុកកំណើតអាចមកជិះរថយន្តក្រុងសាធារណៈដោយឥតគិតថ្លៃ នៅតាមទីតាំងចំណតទាំង៧ ដែលរដ្ឋបាលរាជធានីភ្នំពេញបានរៀបចំ៕
Tag:
រថយន្តក្រុង
ឃួង ស្រេង
© រក្សាសិទ្ធិដោយ thmeythmey.com