ជាតិ
ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ការឈឺភ្នែក អាចកើតមាននៅលើស្រទាប់ខាងលើនៃកែវភ្នែករបស់អ្នក ឬនៅខាងក្នុងរចនាសម្ព័ន្ធ ខាងក្នុងរបស់ភ្នែកអ្នក។ ការឈឺភ្នែក ដែលកើតមាននៅលើស្រទាប់ខាងលើនៃភ្នែករបស់អ្នក អាចមានសភាពដូចជា ការរមាស់, ការរលាក ឬឈឺចាប់ឆៀបៗ។
ការឈឺចាប់ប្រភេទនេះ ជារឿយៗតែងមានប្រភពមកដោយសារ តែការមាននូវវត្តមាននៃវត្ថុចម្លែកចូលទៅក្នុងភ្នែក, ការបង្ករោគនៅក្នុងភ្នែក ឬក៏វត្ថុអ្វីមួយ ដែលបង្កការរំខាន ឬរលាក ទៅដល់ភ្នាសដែលស្រោបនៅស្រទាប់ខាងលើ នៃកែវភ្នែករបស់អ្នក។
អ្នកប្រហែលជាអាចរៀបរាប់ពីអាការនៃការឈឺចាប់ភ្នែក ដែលមានប្រភពមកពីខាងក្នុងគ្រាប់ភ្នែក ជាមួយនឹងអារម្មណ៍នៃការឈឺចាប់ខ្ទោកៗនៅក្នុងភ្នែកអ្នក។ ការឈឺចាប់ភ្នែកប្រភេទនេះ អាចមានទំនាក់ទំនងទៅនឹងស្ថានភាពផ្នែកវេជ្ជសាស្ត្រដ៏ធ្ងន់ធ្ងរមួយ។
ការឈឺចាប់ភ្នែកក្នុងកម្រិតធ្ងន់ធ្ងរ ជាពិសេសដែលកើតមានរួមមាន ជាមួយនឹងកម្រិតនៃការបាត់បង់សមត្ថភាពនៃការមើលឃើញ នោះវាអាចជាសញ្ញាមួយដែលតម្រូវឱ្យអ្នក ឆាប់ទៅទទួលយកជំនួយ ផ្នែកវេជ្ជសាស្ត្រឱ្យបានជាបន្ទាន់។
តើនៅពេលណា ដែលអ្នកត្រូវទៅឱ្យគ្រូពេទ្យពិនិត្យ?
អ្នកត្រូវស្វែងរកជំនួយផ្នែកវេជ្ជសាស្ត្រ ឱ្យបានជាបន្ទាន់ ប្រសិនបើ៖
– សភាពនៃការឈឺចាប់នៅក្នុងភ្នែកអ្នក មានសភាពធ្ងន់ធ្ងរខុសពីធម្មតា។
– មានបម្រែបម្រួលនៃការមើលឃើញ ភ្លាមៗ។
– ភ្នែករបស់អ្នកមានការឈឺចាប់ខ្លាំង ដែលមិនអាចប៉ះបាន។
– អ្នកកើតមានផងដែរ នូវការឈឺពោះ ឬក្អួត ក្នុងពេលដំណាលគ្នាជាមួយនឹងការឈឺភ្នែកនេះ។
– ការឈឺចាប់ភ្នែករបស់អ្នក គឺបណ្តាលមកពីការមានវត្តមាននៃវត្ថុចម្លែក ឬការសាយភាយសារជាតិគីមី ចូលទៅក្នុងភ្នែករបស់អ្នក៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
