ចំណែកចាប់ពីវេលាថ្ងៃត្រង់ទៅ គេរៀបចំកម្មវិធីសែនអ្នកតា នៅខ្ទមអ្នកតា ស្ថិតនៅខាងជើងក្បែរស្ពានកំពង់ក្តី ដែលមានអ្នកតាគង់ តាដំបងដែក តាសំរោង (ហៅតាស្រកានាគ) ដោយមានថ្វាយភ្លេង គ្រឿងដង្វាយ ចំណីចំណុក ផ្លែឈើ ផ្កាភ្ញី ក៏ដូចចប អំបោស និងអង្ករ និងជាបន្ទាប់មានកម្មវិធីទាញព្រ័ត្រ (ផ្តាច់ការសប្បាយឆ្នាំចាស់) និងរាំបាចស្រូវ (ដើម្បីទទួលបានទទួលបានភោគផលដំណាំល្អសម្រាប់ឆ្នាំថ្មី)។ 

 

នៅពេលរសៀលដែលជាកម្មវិធីបញ្ចប់ គេនាំគ្នាមកសែនព្រេន នៅស្ពាននាគនិងទាញព្រ័ត្រម្តងទៀត។ នេះជាទំនៀមទម្លាប់តៗគ្នា៤ជំនាន់មកហើយ ដោយអ្នកស្រុកនៅទីនោះតែងតែប្រារព្ធ ឡើងជារៀងរាល់ឆ្នាំ ដោយមានជំនឿថា ទីនោះមានបារមីស័ក្តសិទ្ធ ទាំងនៅខ្ទមអ្នកតា ក៏ដូចជានៅស្ពានព្រះទិសផងដែរ៕