ការប្រកួតនេះ កីឡាការិនីវៀតណាម Kien Tuong Phung ធ្វើបានល្អមែនទែន ដោយបាននាំមុនកីឡាការិនីកម្ពុជា ស្រួង ភាវី ជាបន្តបន្ទាប់ រហូតទទួលបានជោគជ័យ។ ក្នុងការសម្រេចយកពិន្ទុនេះ កីឡាការិនីវៀតណាម អាចបញ្ជាប៊ីយ៉ាយកពិន្ទុម្ដង ៥ ទៅ៦ ពិន្ទុ ក្នុងមួយឈើ។ ចំណែកកីឡាការិនីកម្ពុជា ភាវី វិញ អាចរកបានតែ២ទៅ៣ពិន្ទុប៉ុណ្ណោះ ក្នុងមួយឈើ។ កីឡាការិនីវៀតណាម ត្រូវឡើងទៅវគ្គផ្ដាច់ព្រ័ត្រដណ្ដើមមេដាយមាស នៅម៉ោង៦ល្ងាចនេះ។ ចំណែកកីឡាការិនី ស្រួង ភាវី បានមេដាយសំរឹទ្ធ ក្រោយចាញ់វៀតណាមនេះ។

កាលពីថ្ងៃទី៨ ឧសភា ២០២៣ កីឡាការិនី Kien Tuong Phung បានចាញ់ក្រោមថ្វីដៃកីឡាការិនី ស្រួង ភាវី នាវគ្គពាក់កណ្ដាលផ្ដាច់ព្រ័ត្រ លើប្រភេទវិញ្ញាសាប៊ីយ៉ាការ៉ុម៣បាំង ។ ដ្បិតចាញ់ការប្រកួតការ៉ុម១បាំងនេះក្តី តែ ស្រួង ភាវី បានសម្រេចមេដាយមាស លើវិញ្ញាសាប៊ីយ៉ាការ៉ុម៣បាំង ជូនកម្ពុជាដែរ។