លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា មើលឃើញពីភាពរីកចម្រើន នៃការខិតខំប្រឹងប្រែងរបស់អត្តពលិកកីឡាចំបាប់ ដែលអាចដណ្តើមបានមេដាយដ៏ច្រើន ដែលបំបែកកំណត់ត្រាចាស់។

 

 

លោក ខេស៊ី បាណេត និយាយថា៖«សម្រាប់កីឡាចំបាប់កម្ពុជាយើងបានបំបែកកំណត់ត្រាឆ្នាំ២០១០ ហើយដែលកាលនោះយើងឈ្នះមេដាយ១០ ។ តែនេះស៊ីហ្គេមនៅផ្ទះរបស់យើង គឺឈ្នះមេដាយរហូតដល់ទៅ២០ នេះជាកំណត់ត្រាថ្មីមួយរបស់យើង»។

 

បន្ថែមពីនេះ អនុប្រធានសហព័ន្ធកីឡាចំបាប់កម្ពុជាលោក ខេស៊ី បាណេត ក៏ត្រូវបានបោះឆ្នោតឱ្យជាប់ជាប្រធានសហព័ន្ធកីឡាចំបាប់អាស៊ីអាគ្នេយ៍មួយអាណត្តិទៀត​ គឺ ឆ្នាំ២០២៣-២០២៥ បន្ទាប់ពីព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ នៅប្រទេសកម្ពុជា។

 

គួបញ្ជាក់ថា ព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ នៅប្រទេសកម្ពុជា បានចាប់ផ្តើមពីថ្ងៃទី៥-១៧ ខែឧសភា ឆ្នាំ២០២៣៕