ក្រុមបាល់បោះរទេះនារីកម្ពុជា បានការពារតំណែងមេដាយមាសបានសម្រេច ក្រោយយកឈ្នះថៃ ១១-៩ លើវិញ្ញាសា ៣ទល់៣នាក់ នាព្រឹកថ្ងៃទី៣ មិថុនា នាពហុកីឡដ្ឋានជាតិមរតកតេជោ ។

  
កីឡាការិនីបាល់បោះកម្ពុជា ដែលសម្រេចបានមេដាយមាសជូនជាតិ រួមមាន កីឡាការិនី អាន ស៊ីណែត, ស៊ឹម ដា , ឡាយ សាវរីយ៍ , ភឿង ភ័ស្ត និង សាន រដ្ឋា។
 

ដោយឡែកក្រុមបាល់បោះនារីឡាវ បានមេដាយសំរឹទ្ធ ក្រោយយកឈ្នះលើក្រុមហ្វីលីពីន ។

ចំណែកក្រុមបាល់ទះបុរសកម្ពុជា មិនទទួលបានមេដាយឡើយ ក្រោយចាញ់ក្រុមម៉ាឡេស៊ី លើវិញ្ញាសា៣ទល់នាក់ នាវគ្គដណ្ដើមមេដាយសំរឹទ្ធ។
 

កាលពីឆ្នាំ២០២២ ក្រុមនារីកម្ពុជា ដែលជាម្ចាស់ការពារតំណែងមេដាយមាស ក៏បានឈ្នះក្រុមថៃ លើប្រភេទកីឡាបាល់បោះលើរទេះវិញ្ញាសា៣ទល់៣ នាវគ្គផ្ដាច់ព្រ័ត្រ នៅទីក្រុងសូឡូ ប្រទេសឥណ្ឌូណេស៊ី ដែរ។