ដ្បិតម្ចាស់អចលនទ្រព្យ ដែលស្ថិតនៅក្នុងក្រុងទាំង៤នេះ ត្រូវបានលើកលែងពន្ធរហូតដល់ដំណាច់ឆ្នាំ២០២៣ ប៉ុន្តែម្ចាស់អចលនទ្រព្យត្រូវមានកាតព្វកិច្ចចុះបញ្ជីអចលនទ្រព្យ នៅសាខាពន្ធដារខេត្តទាំងនោះ ឬ​នៅនាយកដ្ឋានពន្ធអចលនទ្រព្យ នៃអគ្គនាយកដ្ឋានពន្ធដារ(GDT)។ 

 

ប្រកាសរបស់លោក​ អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដែលចុះនៅថ្ងៃទី១មិថុនា បានបញ្ជាក់ ថា៖ «ក្នុងករណីអចលនទ្រព្យស្ថិតក្នុងក្រុងឧដុង្គម៉ែជ័យ ក្រុងអរិយក្សត្រ  ក្រុងសំពៅពូន និងក្រុងបូកគោ បានបង់ពន្ធលើអចលនទ្រព្យរួចហើយ ចំនួនប្រាក់ដែលបានបង់រួចនោះ ត្រូវបានអនុញ្ញាតឱ្យធ្វើជាឥណទានយោងសម្រាប់យកទៅកាត់កងពន្ធលើអចលនទ្រព្យសម្រាប់ឆ្នាំបន្តបន្ទាប់»។​ 

 

បើតាមលោករដ្ឋមន្ត្រីក្រសួងសេដ្ឋកិច្ច ម្ចាស់អចលនទ្រព្យត្រូវស្នើសុំឥណទានពន្ធលើអចលនទ្រព្យដែលបានបង់រួច​​នៅសាខាពន្ធដារ​ខេត្តដែលអចលនទ្រព្យរបស់លោកអ្នកស្ថិតនៅ ឬនៅអគ្គនាយកដ្ឋាន សម្រាប់យកទៅកាត់កងពន្ធលើអចលនទ្រព្យ សម្រាប់ឆ្នាំបន្ទាប់៕