លោកស្រី ឆាយ គឹមសុទ្ធាវី ប្រធាននាយកដ្ឋានសុខភាពសិក្សា បាននិយាយថា ការបើកវគ្គតម្រង់ទិសនេះ ជាការលើកកម្ពស់សុខភាពទាំងផ្លូវកាយ ផ្លូវចិត្តសង្គម។ លោកស្រីបានបញ្ជាក់បែបនេះ៖ «សុខភាពគឺជាជីវិត ការអប់រំគឺជាអនាគត ការយល់ដឹងពីគោលការណ៍ណែនាំប្រតិបត្តិនៅថ្ងៃនេះ នឹងជួយឱ្យយើងអាចរៀបចំផែនការប្រតិបត្តិប្រចាំឆ្នាំ ផែនការមេ និងសាលាគំរូ លើផ្នែកសុខភាព នៅទូទាំងប្រទេស ដើម្បីអភិវឌ្ឍសាលារៀន និងសង្គមឱ្យមានភាពរីកចម្រើន»។

អ្នកចូលរួមកម្មវិធីនេះ នឹងមានការយល់ដឹងពីគោលការណ៍ណែនាំប្រតិបត្តិ ,អាចមានសមត្ថភាពធ្វើស្វ័យវាយតម្លៃស្ថានភាពគ្រឹះស្ថានសិក្សារបស់ខ្លួន និងចូលរួមរៀបចំផែនការមេអភិវឌ្ឍន៍គ្រឹះស្ថានសិក្សាសំដៅលើការរក្សាបាននូវសុខភាពល្អជូនសិស្ស និងក្រុមគ្រួសាររបស់ពួកគេ។

 

ជាមួយគ្នានេះ លោកស្រី Dr. Nargiza Khodjaeva តំណាងអង្គការWHO ប្រចាំកម្ពុជា បានថ្លែងថា សិក្ខាសាលា តម្រង់ទិសពីការប្រើប្រាស់និងអនុវត្តគោលការណ៍ស្តង់ដាស្តីពីការលើកម្ពស់សុខភាពសិក្សា នឹងជួយឱ្យគណៈគ្រប់គ្រង លោកនាយក នាយិកា គ្រូបង្គោល លោកគ្រូ អ្នកគ្រូ និងសិស្ស 

ទទួលបាននូវចំណេះសម្បទា បំណិនសម្បទា និងចរិយាសម្បទា ដែលសំដៅលើការចូលរួមចំណែកអភិវឌ្ឍន៍ធនធានមនុស្សនៅកម្ពុជា៕