អ្នកនាំពាក្យខេត្តព្រះសីហនុ លោក ឃាង ភារម្យ បានសរសេរបញ្ជាក់លើហ្វេសប៊ុករបស់លោកថា ក្រុមការងារជួយសង្រ្គោះបានរកឃើញសាកសពជនរងគ្រោះហើយ នៅម៉ោង៩ព្រឹក។ ប្រតិបត្តិការស្វែងរកនេះ ចាប់ផ្ដើមតាំងពីរសៀលថ្ងៃទី១១មមិថុនា បន្ទាប់ពីបុរសនោះលង់ទឹក។ ក្រុមការងារជួយសង្រ្គោះ បានចូលរួមយ៉ាងសកម្ម ដើម្បីជួយសង្រ្គោះ និងស្វែងរកជនរងគ្រោះ បើទោះបីជាស្ថានភាពអាកាសធាតុមិនអំណោយផល។ 

 

កាលពីថ្ងៃទី១១មិថុនា ក្រុមគ្រួសាររបស់ជនរងគ្រោះ បានធ្វើដំណើរកម្សាន្តនៅម្ដុំឆ្នេរអូរឈើទាល។ នៅពេលរសៀល បុរសដែលលង់ទឹកនោះ បានព្យាយាមជួយកូនរបស់ខ្លួនដែលមានអាយុប្រមាណ១០ឆ្នាំ ចេញពីការលង់ទឹកដោយសារទឹករលកអូស។ ប៉ុន្តែ ក្រោយពេលជួយកូនរួចហើយ បុរសជាឪពុក ក៏ត្រូវទឹករលកទាញ លង់ទឹក និងបាត់ខ្លួន៕