ផ្ទុយពីការគិតរបស់មនុស្សដទៃទៀត ដែលគិតថា ពលរដ្ឋខ្មែរ នៅតាមស្រុកភូមិ ខ្ជិលច្រអូស ទុកដីទំនេរចោលឥតប្រយោជន៍នោះ លោកស្រី សុធី មើលមិនឃើញរូបភាពបែបនេះឡើយ។ សម្រាប់ប្រធានបក្សស្ត្រីដើម្បីស្ត្រីរូបនេះ មើលឃើញដូច្នេះវិញថា ពលរដ្ឋខ្មែរតាមស្រុកភូមិ មិនខ្ជិលច្រអូស ក្នុងការធ្វើស្រែចម្ការនោះទេ ប៉ុន្តែមកពីបញ្ហាទីផ្សារកសិកម្ម និងផលិតផលផ្សេងៗទៅវិញទេ ទើបធ្វើឱ្យពួកគេសិញសុញ មិនប្រវេប្រវាធ្វើកសិកម្មឱ្យអស់សក្ដានុពលនេះ។
 

ក្រៅពីបញ្ហាកសិកម្មនេះ លោកស្រី ស៊ឹង សុធី ក៏ផ្ដោតការយកចិត្តទុកដាក់ក្នុងការជួយស្ត្រីផងដែរ ដើម្បីឱ្យពួកគេក្លាយជាមនុស្សមានភាពរឹងមាំ និងហ៊ានធ្វើសេចក្តីសម្រេចចិត្តឱ្យបានត្រឹមត្រូវ ដោយមិនចាំពឹងផ្អែកលើបុរសទៀត។ 
 

គណបក្សស្ត្រីដើម្បីស្ត្រី បង្កើតឡើងនៅឆ្នាំ២០១៩។ សម្រាប់ការចូលរួមឈរឈ្មោះបោះឆ្នោត លើកទី១នេះ។ គណបក្សស្រ្តីដើម្បីស្ត្រី សម្រេចដាក់បេក្ខជនឈរឈ្មោះបោះឆ្នោត ១៨រាជធានី-ខេត្ត ដើម្បីដណ្ដើមកៅអីរដ្ឋសភា។ លោកស្រី ស៊ឹង សុធី ជឿជាក់ថា បក្សអាចឈ្នះបានយ៉ាងតិច១អាសនក្នុងរដ្ឋសភា។

 

សម្រាប់ការបោះឆ្នោតជ្រើសរើសតំណាងរាស្រ្ត ឆ្នាំ២០២៣នេះ មានគណបក្សនយោបាយចំនួន១៨ ចូលរួមប្រកួតប្រជែង។ចំពោះការបោះឆ្នោតជ្រើសរើសតំណាងរាស្ត្រ អាណត្តិទី៧ នេះ នឹងប្រព្រឹត្តិទៅនៅថ្ងៃទី នឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣៕