ជាមួយគ្នានេះ គ.ជ.ប ស្នើឲ្យស្ថានទូតកម្ពុជាទាំងអស់ ជួយផ្សព្វផ្សាយសេចក្តីអំពាវនាវរបស់ខ្លួនឲ្យបានទូលំទូលាយ ដើម្បីឲ្យប្រជាពលរដ្ឋខ្មែរនៅក្រៅប្រទេសបានដឹង។ ជាថ្មីម្តងទៀត គ.ជ.ប អំពាវនាវឲ្យប្រជាពលរដ្ឋខ្មែរ ចូលរួមបោះឆ្នោតឲ្យបានគ្រប់គ្នា ដើម្បីអនុវត្តសិទ្ធិរបស់ខ្លួន។
 

ក្នុងការបោះឆ្នោតខាងមុខ មានគណបក្ស១៧ ដែលត្រូវចូលរួមប្រកួតប្រជែងជាមួយគណបក្សប្រជាជនកម្ពុជា ជាគណបក្សកាន់អំណាច។ ក្នុងចំណោមគណបក្សទាំងនោះ ពុំមានគណបក្សភ្លើងទៀន ដែលជាគណបក្សជំទាស់លេចធ្លោជាងគេឡើយ។ ព្រោះតែបាត់ឯកសារដើមស្តីពីការចុះបញ្ជីគណបក្សនៅក្រសួងមហាផ្ទៃ ទើបគណបក្សភ្លើងទៀន ត្រូវបានគ.ជ.ប មិនអនុញ្ញាតឲ្យចូលរួមប្រកួត៕