ជាតិ
នយោបាយជាតិ
បក្សប្រជាធិបតេយ្យមូលដ្ឋាន មិនបានជ្រើសតាំងបេក្ខជនឈរឈ្មោះជានាយករដ្ឋមន្ត្រីឡើយ សេក សុខា ប្រធានគណៈកម្មាធិការនាយក។ រូបពី ហ្វេសប៊ុករបស់លោក សុខា
× ភ្នំពេញ៖ គណបក្សប្រជាធិបតេយ្យមូលដ្ឋាន ពុំមានជ្រើសតាំងបេក្ខជននាយករដ្ឋមន្ត្រី សម្រាប់ឈរឈ្មោះបោះឆោតជ្រើសតាំងតំណាងរាស្ត្រនីតិកាលទៅ៧ ឆ្នាំ២០២៣នេះទេ។ នេះបើតាមលោក សេក សុខា ប្រធានគណៈកម្មាធិការនាយក។ យ៉ាងណា បក្សនេះ នៅតែចូលរួមដាក់បេក្ខជនប្រកួតប្រជែងការបោះឆ្នោត។
គណបក្សប្រជាធិបតេយ្យមូលដ្ឋាន បានដាក់បេក្ខជនចំនួន១៧០រូប ក្នុងនោះមានស្រី៣៨នាក់ ដើម្បីចូលរួមប្រកួតប្រជែងការបោះឆ្នោតជ្រើសតាំងសំណាងរាស្ត្រអាណត្តិទី៧។ មណ្ឌលដែលឈរឈ្មោះ គឺមានចំនួន១២មណ្ឌលរាជធានី-ខេត្ត។
ដោយសារបក្សប្រជាធិបតេយ្យមូលដ្ឋានដាក់បេក្ខជនឈរឈ្មោះ បានត្រឹមតែ១២មណ្ឌល ហើយក៏ដឹងដែរថា ពុំអាចទទួលបានសំឡេគាំទ្រច្រើនលើសលុបជាងបក្សធំៗ ដែលបានដាក់បេក្ខជនគ្រប់រាជធានី-ខេត្ត ទើបមិនមានការជ្រើសតាំងបេក្ខជននាយករដ្ឋមន្ត្រី។ លោក សេក សុខា បកស្រាយត្រង់ៗបែបនេះ ប្រាប់សារព័ត៌មានថ្មីៗ ហើយបន្ថែមថា បេក្ខជននាយករដ្ឋមន្ត្រីពុំមែនជារឿងសំខាន់ ជាងការបានចូលរួមប្រកួតប្រជែងការបោះឆ្នោតនោះទេ។
គណបក្សប្រជាធិបតេយ្យមូលដ្ឋាន បង្កើតឡើងកាលពី២០១៥ ហើយក៏ធ្លាប់បានចូលរួមការប្រកួតប្រជែងបោះឆ្នោតថ្នាក់ជាតិកាលពីឆ្នាំ២០១៨ដែរ។ សព្វថ្ងៃ បក្សនេះ មានលោក លោក យ៉េង វីរៈ ធ្វើជាប្រធានគណបក្ស៕
© រក្សាសិទ្ធិដោយ thmeythmey.com