តាមការបញ្ជាក់របស់ក្រសួងការពារជាតិអាម៉េរិក គ្រាប់បែកចង្កោម ដែលត្រូវបានហាមឃាត់ប្រើប្រាស់នៅប្រទេសជាច្រើន ត្រូវបានដឹកទៅដល់អ៊ុយក្រែនហើយ។ ជុំវិញបញ្ហានេះ កម្លាំងអ៊ុយក្រែន អាចប្រើប្រាស់វា ដើម្បីវាយបកលើរុស្ស៊ី ដើម្បីយកទឹកដីមួយចំនួនមកវិញ។ 

 

យ៉ាងណាមិញ ក្រោយការប្រកាសរបស់អាម៉េរិកលើគ្រាប់បែកចង្កោមទៅអ៊ុយក្រែន ប្រធានាធិបតីរុស្ស៊ី លោក វ្ល៉ាឌីមៀ ពូទីន បានព្រមានប្រើប្រាស់អាវុធប្រភេទនេះ ប្រសិនបើអ៊ុយក្រែនប្រើប្រាស់លើទាហានរបស់ខ្លួន។ 

 

«ពិតណាស់ ប្រសិនបើពួកគេប្រើប្រាស់វាប្រឆាំងនឹងយើង យើងសូមប្រើសិទ្ធិ ដើម្បីប្រើសកម្មភាពឆ្លើយតបដូចគ្នាវិញ»។ លោកពូទីន បានសង្កត់ធ្ងន់បែបនេះ។ 

 

កន្លងមក អ៊ុយក្រែនបានសន្យាប្រើប្រាស់អាវុធប្រភេទនេះ ដើម្បីរំខាន់ដល់កម្លាំងយោធារបស់សត្រូវប៉ុណ្ណោះ។ គ្រាប់បែកចង្កោម ជាអាវុធ ដែលមានការបំផ្លាញទ្រង់ទ្រាយធំ និងប៉ះពាល់ដល់ជីវិតប្រជាជនស៊ីវិល៕