កញ្ញា អ៊ូច សូដានី ប្រាប់វិធីរចនាសៀវភៅ ដើម្បីឱ្យមានភាពទាក់ទាញដល់កុមារ

ជាតិ

បទយកការណ៍ / បទសម្ភាសន៍

បទសម្ភាសន៍

វីដេអូ

កញ្ញា អ៊ូច សូដានី ប្រាប់វិធីរចនាសៀវភៅ ដើម្បីឱ្យមានភាពទាក់ទាញដល់កុមារ

18, Jul 2023 , 1:59 pm

រូបភាព

ដោយ: ប៉ូ សាគុន

ភ្នំពេញ៖ អ្នកនិពន្ធសៀវភៅរឿងសម្រាប់កុមារ កញ្ញា អ៊ូច សូដានី បាននិយាយថា សៀវភៅកុមារមួយក្បាល ទម្រាំផលិតបានចេញលក់លើទីផ្សារ ត្រូវឆ្លងកាត់យ៉ាងហោចណាស់ ៤ដំ ណាក់កាល។ គឺអ្នកសម្របសម្រួលអត្ថបទ ត្រូវធ្វើការជាមួយអ្នកនិពន្ធ វិចិត្រករ អ្នករចនា និងការបោះពុម្ព។

ដើម្បីជ្រាបច្បាស់សូមអញ្ជើញលោកអ្នកនាងទស្សនាកិច្ចសម្ភាស រវាង កញ្ញា ប៉ូ សាគុន អ្នកសារព័ត៌មានថ្មីៗ និងកញ្ញា អ៊ូច សូដានី អ្នកនិពន្ធសៀវភៅកុមារ និងជាអ្នកសម្របសម្រួល ការបោះពុម្ពសៀវភៅ ប្រចាំអង្គការ ស៊ីប៉ា ដូចតទៅ៖

ទម្រាំទទួលបានសៀវភៅកុមារមួយក្បាល ដាក់លក់នៅលើទីផ្សារ កញ្ញា អ៊ូច សូដានី ថាអ្នកសម្របសម្រួល ត្រូវធ្វើការយ៉ាងយកចិត្តទុកដាក់បំផុតជាមួយអ្នកនិពន្ធ ដើម្បីប្រាកដថារឿងនោះ មានភាពទាក់ទាញសម្រាប់កុមារ។ បន្ទាប់មកទៀត អ្នកសម្របសម្រួលត្រូវធ្វើការជាមួយនឹងវិចិត្រករ។ ការគូររូបត្រូវតែដឹងពីចិត្តសាស្ត្រ និងភាពចាប់បានរបស់កុមារ។ មានន័យថា នៅពេលកុមារមើលរូបនោះ តើពួកគេយល់កម្រិតណា។ ជំហានបន្ទាប់គឺការធ្វើការជាមួយអ្នករចនា។

កញ្ញា អ៊ូច សូដានី ពន្យល់បន្ថែម៖ «ការកែគំនូរត្រូវឆ្លងកាត់៣ដំណាក់កាល ដោយមើលលម្អិតទៅលើប្លង់គំនូរ។ នៅពេលដាក់ពណ៌រួចរាល់ យើងឈប់កែហើយ។ យើងព្យាយាមមិនប៉ះពាល់ស្នាដៃគេច្រើនទេ។ យើងដូចគ្នា ប្រសិនគេប៉ះពាល់ស្នាដៃយើងច្រើន ក៏យើងមិនសូវសប្បាយចិត្តដែរ។ ប៉ុន្តែការគូររូប និងការដាក់ទម្រង់អក្សរ ត្រូវមើលយ៉ាងណា ឱ្យក្មេងមើលងាយយល់»។