សេចក្តីថ្លែងការណ៍នយោបាយរបស់សម្តេច ហ៊ុន សែន នារសៀលថ្ងៃទី២៦ខែកក្កដាម្សិលមិញ ទំនងបានបង្ហាញអំពីរបៀបធ្វើនយោបាយដ៏គួរឱ្យចាប់អារម្មណ៍មួយទៀត ដែលបានធ្វើឱ្យលោក ម៉ានី មិនស្ញប់ស្ញែងមិនបាន។ ដូច្នេះលោក ម៉ានី ត្រូវសរសេរផ្តល់តម្លៃដល់ការលះបង់ និងវីរភាពរបស់សម្តេច ហ៊ុន សែន ដែលតំណាងឱ្យយុវជនជំនាន់មុន និងសម្តែងនូវកតញ្ញូតាធម៌ចំពោះសម្តេច ហ៊ុន សែន។ លោក ហ៊ុន ម៉ានី រំឭកអំពីគម្រោងលាលែងពីតួនាទីជានាយករដ្ឋមន្ត្រីរបស់សម្តេចយ៉ាងដូច្នេះថា៖ «នេះជាការលះបង់ដ៏ធំធេងមួយទៀត​របស់លោក (សម្តេច ហ៊ុន សែន) ក្នុងការមិនបន្តកាន់តំណែងជានាយករដ្ឋមន្រ្តី - បើទោះបីជាលោកនៅអាចបន្តធ្វើបាន - ដើម្បីបម្រើដល់ទស្សនវិស័យវែងឆ្ងាយ ក្នុងការត្រួសត្រាយផ្លូវឱ្យអ្នកបន្តវេនបន្តទទួលខុសត្រូវលើជោគវាសនាប្រទេសជាតិ និងប្រជាជន ដោយគ្មានស្ទាក់ស្ទើរ និងមិនចុះចាញ់ចំពោះឧបសគ្គ។»។