សំណល់មួយភាគធំ កើតចេញពីការប្រើប្រាស់ និងពីជីវិតប្រចាំថ្ងៃរបស់ពលរដ្ឋគ្រប់រូប។ ចំណែកសំរាមដែលពលរដ្ឋចោលទៅក្នុងប្រឡាយភាគច្រើន គឺថង់ ប្រអប់ស្នោ និងដបប្លាស្ទិកជាដើម។ ផលិតផលប្លាស្ទិកទាំងនេះ ប្រើរយៈពេល ១០០ទៅ១០០០ឆ្នាំ ដើម្បីរលាយ។ កាកសំណល់ទាំងនេះ ជាមហន្តរាយមួយ និងជាការបំពុលបរិស្ថាន។ 
 

ពលរដ្ឋគ្រប់រូប គួរតែបញ្ឈប់ការចោលសំរាមនៅតាមទីសាធារណៈ និងក្នុងទឹក ដើម្បីសុខភាព និងបរិស្ថាន។ បើតាមក្រសួងបរិស្ថាន ក្នុងសំណល់សំរាម ១០០% មានសំណល់សរីរាង្គប្រមាណ ៦៨% សំណល់ប្លាស្ទិក ប្រមាណ ២០% និងសំណល់រឹងជាង ១០%៕