ព្រះខ័នរាជស្វាយរៀង មិនបានធ្វើឲ្យអ្នកគាំទ្ររបស់ខ្លួនខកចិត្ត​ឡើយ ដោយ​បានយកឈ្នះ ភ្នំ​ពេញ​ក្រោន ក្នុងលទ្ធផល ២-១ កាលពីថ្ងៃទី១១ ខែសីហា។ ការ​ប្រកួត​នៅកីឡដ្ឋាន​ខេត្ដ​ស្វាយ​រៀងនោះ ក្រុមភ្ញៀវបាននាំមុខម្ចាស់ផ្ទះ ១-០ នៅនាទី៣០ ដោយ​ការស៊ុតបញ្ចូល​ទី​របស់កីឡាករ ប្រាក់ ធីវ៉ា។ លុះចូលដល់តង់ទី២​ ម្ចាស់ផ្ទះ បាន​វាយ​បក ភ្នំពេញក្រោន ក្នុងលទ្ធផល ២-១ ដោយកីឡាករ Marcus Harber នៅនាទី៤៨ និង​នាទី​៩០+៣។
 

ក្នុងសប្ដាហ៍ទី២ដដែលនេះ ណាហ្គាវើលដ៍ ត្រូវ​បើកទ្វារកីឡដ្ឋានខេត្តកំពង់ស្ពឺស្វាគមន៍ វិសាខា នៅម៉ោង៦:០០ល្ងាច ថ្ងៃទី១២ ខែសីហានេះ ​ស្របពេលដែល អាយ អេស អាយ ដង្កោ​សែនជ័យ  ទទួលក្រុមបាល់ទាត់ព្រៃវែង នៅកីឡដ្ឋាន AIA KMH Park។

​

ចំណែកនៅថ្ងៃទី១៣ ខែសីហា វេលាម៉ោង ៣:៤៥រសៀល គិរីវង់សុខសែនជ័យ ត្រូវប្រកួត​ជាមួយ កងយោធពលខេមរភូមិន្ទនៅកីឡដ្ឋានគិរីវង់សុខសែនជ័យ។ រីឯ​បឹងកេត ប៉ះជា​មួយ អង្គរថាយហ្គឺរ នៅពហុកីឡដ្ឋានអូឡាំពិក វេលាម៉ោង ៦:០០ល្ងាច៕