កីឡាជាតិ
ជាតិ
ព្រះខ័នរាជស្វាយរៀង យកឈ្នះភ្នំពេញក្រោន ក្នុងលទ្ធផល ២-១ នៅសប្ដាហ៍ទី២ ព្រះខ័នរាជ ស្វាយរៀង ប្រកួតជាមួយ ភ្នំពេញក្រោន រូបពី Cambodian Premier League
× ម្ចាស់ផ្ទះ ព្រះខ័នរាជស្វាយរៀង បានយកឈ្នះលើ ភ្នំពេញក្រោន ម្ចាស់ជើងឯកលីគកំពូលរដូវកាល២០២២ ក្នុងលទ្ធផល ២-១ នាការប្រកួត Cambodian Premier League សប្ដាហ៍ទី២ កាលពីថ្ងៃទី១១សីហា ឆ្នាំ២០២៣ នៅកីឡដ្ឋានខេត្តស្វាយរៀង។ ២គ្រាប់របស់ម្ចាស់ផ្ទះ រកបានដោយកីឡាករ Marcus Haber។ ចំណែក ១គ្រាប់ របស់ក្រុមភ្ញៀវ រកបានដោយ កីឡាករ ប្រាក់ ធីវ៉ា។
ព្រះខ័នរាជស្វាយរៀង មិនបានធ្វើឲ្យអ្នកគាំទ្ររបស់ខ្លួនខកចិត្តឡើយ ដោយបានយកឈ្នះ ភ្នំពេញក្រោន ក្នុងលទ្ធផល ២-១ កាលពីថ្ងៃទី១១ ខែសីហា។ ការប្រកួតនៅកីឡដ្ឋានខេត្ដស្វាយរៀងនោះ ក្រុមភ្ញៀវបាននាំមុខម្ចាស់ផ្ទះ ១-០ នៅនាទី៣០ ដោយការស៊ុតបញ្ចូលទីរបស់កីឡាករ ប្រាក់ ធីវ៉ា។ លុះចូលដល់តង់ទី២ ម្ចាស់ផ្ទះ បានវាយបក ភ្នំពេញក្រោន ក្នុងលទ្ធផល ២-១ ដោយកីឡាករ Marcus Harber នៅនាទី៤៨ និងនាទី៩០+៣។
ក្នុងសប្ដាហ៍ទី២ដដែលនេះ ណាហ្គាវើលដ៍ ត្រូវបើកទ្វារកីឡដ្ឋានខេត្តកំពង់ស្ពឺស្វាគមន៍ វិសាខា នៅម៉ោង៦:០០ល្ងាច ថ្ងៃទី១២ ខែសីហានេះ ស្របពេលដែល អាយ អេស អាយ ដង្កោសែនជ័យ ទទួលក្រុមបាល់ទាត់ព្រៃវែង នៅកីឡដ្ឋាន AIA KMH Park។
ចំណែកនៅថ្ងៃទី១៣ ខែសីហា វេលាម៉ោង ៣:៤៥រសៀល គិរីវង់សុខសែនជ័យ ត្រូវប្រកួតជាមួយ កងយោធពលខេមរភូមិន្ទនៅកីឡដ្ឋានគិរីវង់សុខសែនជ័យ។ រីឯបឹងកេត ប៉ះជាមួយ អង្គរថាយហ្គឺរ នៅពហុកីឡដ្ឋានអូឡាំពិក វេលាម៉ោង ៦:០០ល្ងាច៕
Tag:
បាល់ទាត់
ព្រះខ័នរាជស្វាយរៀង
ភ្នំពេញក្រោន
Cambodian Premier League
© រក្សាសិទ្ធិដោយ thmeythmey.com