បច្ចេកវិទ្យា FTTR មកដល់កម្ពុជាដំបូងគេបំផុត មុនទីផ្សារអន្តរជាតិលើពិភពលោក ក្រោមកិច្ចសហការMekongNet និង Huawei

ជាតិ

អត្ថបទពាណិជ្ជកម្ម

បច្ចេកវិទ្យា FTTR មកដល់កម្ពុជាដំបូងគេបំផុត មុនទីផ្សារអន្តរជាតិលើពិភពលោក ក្រោមកិច្ចសហការMekongNet និង Huawei

14, Aug 2023 , 11:49 am

រូបភាព

ដោយ: ឌួក ដែន

ក្រុមហ៊ុន Mekongnet និងក្រុមហ៊ុន Huawei បានរៀបចំកម្មវិធី MekongNet All-Optical Future ក្នុងគោលបំណងដាក់សម្ពោធនូវបច្ចេកវិទ្យាអ៊ីនធឺណិតជំនាន់ចុងក្រោយ FTTR ។ កម្មវិធីនេះ ប្រារព្ធឡើងកាលពីថ្ងៃទី ១១ ខែសីហា ឆ្នាំ២០២៣ នៅសណ្ឋាគារ Sun & Moon Hotel ដោយមានការចូលរួមពីសំណាក់ថ្នាក់ដឹកនាំក្រុមហ៊ុនទាំងពីរ ដៃគូពាណិជ្ជកម្ម អ្នកសារព័ត៌មាន ព្រមទាំងភ្ញៀវកិត្តិយសជាច្រើននាក់ទៀត។

នាយកប្រតិបត្តិនៃក្រុមហ៊ុន MekongNet អ្នកស្រី សុខ ចាន់ដា បានបង្ហាញពីសុទិដ្ឋិនិយមនៃបច្ចេកវិទ្យា FTTR ថ្មីនេះ ជាកិច្ចចាប់ផ្ដើមនៃសករាជថ្មីនៃការផ្លាស់ប្ដូរទៅឌីជីថល (Digitalization) នៅកម្ពុជាយើង ដែលនឹងនាំមកនូវសេវាកម្ម បទពិសោធន៍នៃការប្រើប្រាស់អ៊ីនធឺណិតល្អបំផុតមកកាន់ទីផ្សារ។

«កិច្ចខិតខំប្រឹងប្រែងរបស់ក្រុមហ៊ុន Huawei ក្នុងការស្រាវជ្រាវ និងអភិវឌ្ឍ ក្លាយខ្លួនជាក្រុមហ៊ុនឈានមុខគេបំផុតលើទីផ្សារអ៊ីនធឺណិតអុបទិកក្នុងរយៈកាល ១៥ឆ្នាំចុងក្រោយនេះ ហើយគិតត្រឹមចុងឆ្នាំ ២០២២ នេះ មានក្រុមហ៊ុនច្រើនជាង ៨ពាន់ក្រុមហ៊ុន មកពីប្រទេសជុំវិញពិភពលោកប្រមាណ ១២០ប្រទេស កំពុងតែប្រើប្រាស់បច្ចេកវិទ្យា បណ្ដាញអ៊ុបទិករបស់ក្រុមហ៊ុន Huawei»។ នេះបើតាមការលើកឡើងរបស់ លោក Zhao Zhongyang តំណាងឱ្យការិយាល័យក្រុមហ៊ុន Huawei ប្រចាំព្រះរាជាណាចក្រកម្ពុជា ។

កិច្ចសហការរវាង MekongNet និង Huawei គឺបញ្ជាក់ពីការត្រួសត្រាយផ្លូវកសាងមូលដ្ឋានគ្រឹះសម្រាប់អនាគតនៃសេវាកម្មឌីជីថលសម្រាប់គេហដ្ឋាន ស្របពេលតម្រូវការនៃការប្រើប្រាស់អ៊ីនធឺណិត នៅកម្ពុជាកាន់តែកើនឡើងច្រើនទៅតាមបច្ចេកវិទ្យាថ្មីដូចជា ការអប់រំលើឌីជីថល ការិយាល័យអនឡាញ ស្មាតហូម VR ឬការកម្សាន្តជាមួយនឹងកម្រិតភាពច្បាស់ 4K/8K, ភាពខ្វះចន្លោះនៃបច្ចេកវិទ្យាកន្លងទៅ។ តួយ៉ាងដូចមានទិន្នន័យកកន្លងមកបង្ហាញថា អត្រានៃការគ្របដណ្ដប់នៃសេវា Wi-Fi នៅតាមផ្ទះរបស់អ្នកប្រើប្រាស់ច្រើនជាងពាក់កណ្ដាលត្រឹមតែ ៥៥%ប៉ុណ្ណោះ និងតម្រូវការទីផ្សារក្នុងការផ្គត់ផ្គង់បទពិសោធន៍នៃការប្រើប្រាស់អ៊ីនធឺណិតខុសពីមុន។

លោក Kevin Liu អនុប្រធានផ្នែកអ៊ីនធឺណិតអុបទិកប្រចាំក្រុមហ៊ុន Huawei បានឡើងធ្វើបទបង្ហាញអំពីលក្ខណៈបច្ចេកទេសនៃបច្ចេកវិទ្យា Huawei FTTR និងបានមានប្រសាសន៍ថា៖ “នេះគឺជាដំណោះស្រាយថ្មីសន្លាងសម្រាប់ការតភ្ជាប់អ៊ីនធឺណិតនៅក្នុងផ្ទះ ក៏ដូចជាអាជីវកម្មក្នុងការរៀបចំឡើងវិញ នូវប្រព័ន្ធអ៊ីនធឺណិតហ្វាយប័រអុបទិករបស់ខ្លួន”។

បច្ចេកវិទ្យា FTTR សម្រាប់ អ៊ីនធឺណិតនៅផ្ទះ នឹងផ្ដល់ឱ្យអ្នកប្រើប្រាស់ស្គាល់នូវបទពិសោធន៍ប្រើប្រាស់អ៊ីនធឺណិតបែបប្រណីត ផ្ដើមចេញពីការដំឡើងដោយប្រើប្រាស់ខ្សែភ្ជាប់បែប Fiber Optic ប្រភេទថ្មីថ្លាមិនប៉ះពាល់ដល់សោភ័ណភាពបន្ទប់ ងាយស្រួលដំឡើង ជួយសន្សំសំចៃការប្រើប្រាស់ថាមពលរហូតដល់ទៅ ២០% បូកបញ្ចូលនឹងបច្ចេកវិទ្យា Wifi-6 ហើយអាចសម្រេចបានល្បឿនតេស្ដសាកល្បងនៅតាមបន្ទប់ក្នុងអត្រាខ្ពស់រហូត 2000 Mbps ទ្រាំទ្រការតបន្ថែម Wi-Fi hotspots រហូតដល់ ១៦។

បច្ចេកវិទ្យា Huawei FTTR ផ្ដល់នូវអត្ថប្រយោជន៍ ៣ធំៗសំខាន់មានដូចជា៖

ការតភ្ជាប់បណ្ដាញតែមួយប្រើប្រាស់ខ្សែ Fiber Optic ថ្លាពិសេស ងាយស្រួលក្នុងការដំឡើង និងជួយជំរុញប្រសិទ្ធភាពនៃការដំឡើងផងដែរ ដោយគេហដ្ឋានមួយចំណាយពេលមិនច្រើនជាង ២ម៉ោងឡើយ ម្យ៉ាងវិញទៀត ខ្សែ Fiber ថ្លា ជួយដល់បរិស្ថាននិងមានសុវត្ថិភាពខ្ពស់។
FTTR នឹងផ្ដល់ឱ្យនូវប្រព័ន្ធរៀបចំបណ្ដាញ Wifi ឆ្លាតវៃ តាមបច្ចេកវិទ្យា iMaster NCE
FTTR អនុញ្ញាតឱ្យមានឧបករណ៍ភ្ជាប់រហូតដល់ទៅ ១២៨ឧបករណ៍ ជាមួយនឹង Wi-Fi Hotspot ចំនួន១៦នៅក្នុងផ្ទះ និងគាំទ្រដល់គ្រប់រូបភាពនៃការប្រើប្រាស់អ៊ីនធឺណិតដូចជា ការកម្សាន្ត ការធ្វើការិយាល័យអនឡាញ ប្រព័ន្ធសុវត្ថិភាពក្នុងផ្ទះ ឬការអប់រំតាមប្រព័ន្ធអនឡាញជាដើម។

សូមទំនាក់ទំនងក្រុមហ៊ុន MekongNet ឥឡូវនេះដើម្បីទទួលបាននូវបទពិសោធន៍ប្រើប្រាស់អ៊ីនធឺណិតប្រណីត Huawei FTTR ៕