អគ្គនាយកដ្ឋាន​កៅស៊ូ បញ្ជាក់ថា ចាប់ពីខែមករា ដល់កក្កដា កម្ពុជាបាននាំចេញជ័រកៅស៊ូប្រមាណ១៧ ម៉ឺនតោន កើនឡើង៣ភាគរយ ធៀបនឹងរយៈពេលដូចគ្នាឆ្នាំ២០២២។ ដោយឡែក ចំណូលដែលទទួលបានមានប្រមាណ ២២៨.៥ លានដុល្លារ ធ្លាក់ចុះ១២ភាគរយ ធៀបនឹងឆ្នាំមុន។ ជាមធ្យមជ័រកៅស៊ូមានតម្លៃ ១៣៣៧ ដុល្លារ ក្នុងមួយតោន ថយចុះប្រហែល២៤៤ដុល្លារ ធៀបនឹងរយៈពេលដូចគ្នាឆ្នាំមុន។ 
 

យោងរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ នៅឆ្នាំ២០២១ កម្ពុជាមានផ្ទៃដីដាំកៅស៊ូជាង៤០ម៉ឺនហិកតា ក្នុងនោះឧស្សាហកម្មកៅស៊ូមានជាង២៤ហិកតា និងកៅស៊ូគ្រួសារជាង១៦ម៉ឺនហិកតា។ កម្ពុជាមានរោងចក្រ និងសិប្បកម្មកែច្នៃកៅស៊ូ១៦៨កន្លែង ស្ថិតក្នុងខេត្តចំនួន១១៕