ជាតិ
យុវជន ស្វែងរកការងារនៅក្រសួងការងារនាពេលកន្លងមក។ រូបពី ក្រសួងការងារ
×![]()
ដោយ: ឡាយ សុភាវតី
ភ្នំពេញ៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជជីវៈ បានរៀបចំកម្មវិធី «កិច្ចសម្ភាសការងារ» ដែលមានការងារ ២០៧កន្លែង ដើម្បីផ្ដល់ឱកាសការងារដល់ សិស្សនិស្សិត និងអ្នកស្វែងរកការងារធ្វើ។ 
បើតាម NEA នៅថ្ងៃទី៧កញ្ញានេះ ក្រុមហ៊ុនធំៗចំនួន៤ នឹងផ្តល់ឱកាសការងារចំនួន២០៧កន្លែង សម្រាប់សិស្សនិស្សិត និងអ្នកកំពុងស្វែងរកការងារធ្វើ។ កិច្ចសម្ភាសការងារនេះ នឹងធ្វើឡើងផ្ទាល់ភ្លាមៗជាមួយភាគីក្រុមហ៊ុន ដោយគ្រាន់តែកាន់ប្រវត្តិរូប ឬលិខិតស្នើសុំដាក់ពាក្យធ្វើការងារ។ កម្មវិធីសម្ភាសការងារ គឺរៀបចំឡើងនៅ ក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ ចាប់ពីម៉ោង៨ព្រឹក ដល់៥រសៀល។
ក្រសួងការងារក៏នឹងរៀបចំពិព័រណ៍ការងារ និងផលិតភាពជាតិប្រចាំឆ្នាំ២០២៣ដែរ នៅថ្ងៃទី១០-១១ វិច្ឆិកា នៅអគារពិព័រណ៍កោះពេជ្រ។ ដូច្នេះ ក្រុមហ៊ុន សហគ្រាស ដែលមានតម្រូវការជ្រើសរើស កម្លាំងពលកម្ម និងមានបំណងតាំងបង្ហាញអំពីឱកាសការងារ ដើម្បីទាក់ទាញបេក្ខជន អាចចូលរួមបាន ដោយគ្រាន់តែទាក់ទងទៅ ខាង NEA៕
Tag:
ការងារ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
