កញ្ញា ឡាយ ស្រីពេញ បុគ្គលិកនៃនាយកដ្ឋានអភិវឌ្ឍន៍ទេសចរណ៍ និងវប្បធម៌ លើកឡើងថា ខ្សែទស្សនានេះ នឹងលើកតម្លៃប្រាសាទ តាមរយៈការទៅដល់របស់ទេសចរបានឃើញ និងឈ្វេងយល់ពីប្រវត្តិប្រាសាទទាំងនោះ។ មួយវិញទៀតខ្សែទស្សនានេះ នឹងផ្ដល់បទពិសោធល្អៗ និងបានស្គាល់ប្រាសាទកាន់តែច្រើនបន្ថែមទៀត ដល់ទេសចរ ក្រៅពីប្រាសាទធំៗ។ 

បច្ចុប្បន្នខ្សែទស្សនានេះ បានរៀបចំរួចរាល់ ដែលអនុញ្ញាតឱ្យទេសចរចូលទស្សនា។ ចំណែកកក្រុមការងារអាជ្ញាធរជាតិអប្សរា ក៏បានរៀបចំដំឡើងនូវស្លាកសញ្ញាណែនាំ និងប្រាប់ទិសទស្សនាទៅកាន់ ទីតាំងទាំងអស់ខាងលើនេះផងដែរ៕