ចំនួនភ្ញៀវទេសចរបរទេស១៩លាននាក់ដែលថៃទទួលបាននេះ បង្កើតជាប្រាក់ចំណូលចូលប្រទេស​រហូតដល់២២,២៦ពាន់លានដុល្លារ។

 

«ស្ថានភាព​ទេសចរណ៍​នៅ​ថៃ​កំពុង​បង្ហាញ​សញ្ញា​ប្រសើរ​ឡើង»។ សេចក្ដីថ្លែងការណ៍របស់ក្រសួង​ទេសចរណ៍ថៃបានសម្គាល់បែបនេះរួចបន្តថាការលើកលែងទិដ្ឋាការរបស់រដ្ឋាភិបាលសម្រាប់ជនជាតិចិននឹងផ្តល់ការជំរុញដល់វិស័យទេសចរណ៍នេះបន្ថែមទៀត។

 

ថៃក៏រំពឹងការទៅដល់នៃភ្ញៀវទេសចរបរទេសថែមទៀត ស្របពេលរដូវកាលមមាញឹកផ្នែកទេសចរណ៍កើតមានក្នុងសប្តាហ៍នេះជាមួយនឹងថ្ងៃឈប់សម្រាកដ៏វែងនៅក្នុងប្រទេសនានាមានម៉ាឡេស៊ី និងជប៉ុន។ 

 

វិស័យទេសចរណ៍ រួមចំណែកយ៉ាងសំខាន់ក្នុងការជំរុញសេដ្ឋកិច្ចថៃ។ រដ្ឋាភិបាលទីក្រុងបាងកករំពឹង​ថា​នឹង​មាន​អ្នកដំណើរចំនួន២៨លាន​នាក់​នៅ​ឆ្នាំ​នេះ។ កាលពីឆ្នាំ២០១៩ មុនផ្ទុះជំងឺកូវីដ-១៩ ថៃទទួលភ្ញៀវទេសចរបរទេស៣៩លាននាក់ក្នុងនោះមាន១១លាននាក់ទៅពីចិន៕