អន្តរជាតិ
នយោបាយជាតិ
×![]()
ដោយ៖ ងួនសៅ ពុទ្ធិឫទ្ធិ
កូរ៉េខាងត្បូង បានធ្វើព្យុហយាត្រាយោធាទ្រង់ទ្រាយធំលើកដំបូងក្នុងរយៈពេលមួយទសវត្សរ៍ នៅថ្ងៃទី២៦ ខែកញ្ញា ដោយបង្ហាញសព្វាវុធជាច្រើនមុខចាប់តាំងពីកាំជ្រួចផ្លោង រថក្រោះ តាមផ្លូវទីក្រុងសេអ៊ូល ក្នុងគោលបំណងបង្ហាញសមត្ថភាពរបស់ខ្លួន។
ព្យុហយាត្រាយោធារបស់កូរ៉េខាងត្បូង ធ្វើឡើងដើម្បីប្រារព្ធទិវាកងកម្លាំងប្រដាប់អាវុធរបស់កូរ៉េខាងត្បូង។ ការដង្ហែលើកចុងក្រោយធ្វើតាំងពីឆ្នាំ២០១៣។
នៅក្នុងសុន្ទរកថា ប្រធានាធិបតីកូរ៉េខាងត្បូង លោក យូន សុកយ៉ល បានព្រមានក្រុងព្យុងយ៉ាងជុំវិញការប្រើប្រាស់អាវុធនុយក្លេអ៊ែរ ហើយបានសន្យាថាលោកនឹងបង្កើនការគាំទ្រលើវិស័យយោធា និងឧស្សាហកម្មការពារជាតិ។
«ប្រសិនបើកូរ៉េខាងជើងប្រើប្រាស់អាវុធនុយក្លេអ៊ែរ នោះរបបព្យុងយ៉ាង នឹងត្រូវបញ្ចប់តាមរយៈការឆ្លើយតបដ៏លើសលប់វិញពីសម្ព័ន្ធមិត្តកូរ៉េខាងត្បូង-អាម៉េរិក»។ លោក យូននិយាយបែបនេះ។
តាមការបញ្ជាក់ពីក្រសួងការពារជាតិកូរ៉េខាងត្បូង ព្យុហយាត្រាយោធាធ្វើទៅពេញមួយថ្ងែនេះមានទាហានចូលរួមរាប់ពាន់នាក់ រថក្រោះដែលផលិតនៅក្នុងស្រុក និងកាំភ្លើងធំ រួមទាំងទាហានអាមេរិកចំនួន៣០០នាក់ផង។
ព្រឹត្តិការណ៏នេះក៏បានធ្វើឡើងមួយសប្តាហ៍បន្ទាប់ពីមេដឹកនាំកូរ៉េខាងជើងលោក គីម ជុងអ៊ុន ត្រឡប់ពីដំណើរទស្សនកិច្ចទៅកាន់រុស្ស៊ីដែលលោកបានយល់ព្រមជំរុញកិច្ចសហប្រតិបត្តិការយោធាជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន៕
កូរ៉េខាងត្បូង បានធ្វើព្យុហយាត្រាយោធាទ្រង់ទ្រាយធំលើកដំបូងក្នុងរយៈពេលមួយទសវត្សរ៍ នៅថ្ងៃទី២៦ ខែកញ្ញា ដោយបង្ហាញសព្វាវុធជាច្រើនមុខចាប់តាំងពីកាំជ្រួចផ្លោង រថក្រោះ តាមផ្លូវទីក្រុងសេអ៊ូល ក្នុងគោលបំណងបង្ហាញសមត្ថភាពរបស់ខ្លួន។
ព្យុហយាត្រាយោធារបស់កូរ៉េខាងត្បូង ធ្វើឡើងដើម្បីប្រារព្ធទិវាកងកម្លាំងប្រដាប់អាវុធរបស់កូរ៉េខាងត្បូង។ ការដង្ហែលើកចុងក្រោយធ្វើតាំងពីឆ្នាំ២០១៣។
នៅក្នុងសុន្ទរកថា ប្រធានាធិបតីកូរ៉េខាងត្បូង លោក យូន សុកយ៉ល បានព្រមានក្រុងព្យុងយ៉ាងជុំវិញការប្រើប្រាស់អាវុធនុយក្លេអ៊ែរ ហើយបានសន្យាថាលោកនឹងបង្កើនការគាំទ្រលើវិស័យយោធា និងឧស្សាហកម្មការពារជាតិ។
«ប្រសិនបើកូរ៉េខាងជើងប្រើប្រាស់អាវុធនុយក្លេអ៊ែរ នោះរបបព្យុងយ៉ាង នឹងត្រូវបញ្ចប់តាមរយៈការឆ្លើយតបដ៏លើសលប់វិញពីសម្ព័ន្ធមិត្តកូរ៉េខាងត្បូង-អាម៉េរិក»។ លោក យូននិយាយបែបនេះ។
តាមការបញ្ជាក់ពីក្រសួងការពារជាតិកូរ៉េខាងត្បូង ព្យុហយាត្រាយោធាធ្វើទៅពេញមួយថ្ងែនេះមានទាហានចូលរួមរាប់ពាន់នាក់ រថក្រោះដែលផលិតនៅក្នុងស្រុក និងកាំភ្លើងធំ រួមទាំងទាហានអាមេរិកចំនួន៣០០នាក់ផង។
ព្រឹត្តិការណ៏នេះក៏បានធ្វើឡើងមួយសប្តាហ៍បន្ទាប់ពីមេដឹកនាំកូរ៉េខាងជើងលោក គីម ជុងអ៊ុន ត្រឡប់ពីដំណើរទស្សនកិច្ចទៅកាន់រុស្ស៊ីដែលលោកបានយល់ព្រមជំរុញកិច្ចសហប្រតិបត្តិការយោធាជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន៕
Tag:
កូរ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
