ក្នុងការប្រកួត American No-gi Grappling (ការប្រកួតក្លេរ ដូចជឺជិតស៊ូ) កាលពីអំឡុងខែកុម្ភៈ ឆ្នាំ២០២៣ កីឡាការិនី Danielly Kelly បានចាញ់ ខាន់ ចេសា ដោយពិន្ទុ។ ដោយឡែក នៅក្នុងសង្វៀន One Championship នៅប្រទេសសិង្ហបុរី កីឡាការិនីសហរដ្ឋអាម៉េរិករូបនេះ មានឱកាសបានប្រកួតជាមួយ ខាន់ ចេសា និងដើម្បីសងសឹកផង។
 

ក្នុងវេទិការប្រឈមមុខដាក់គ្នា និងថ្លឹងទម្ងន់ នាថ្ងៃទី២៩ ខែកញ្ញានេះ Danielly Kelly បាននិយាយទាំងមានទំនុបចិត្តថា អាចនឹងយកឈ្នះ លើកីឡាការិនី ខាន់ ចេសា បាន ព្រោះតែ Danielly បានហ្វឹកហាត់រយៈពេលវែង ដើម្បីការប្រកួតនេះ។
  

«ខ្ញុំ គិតថាមានប្រៀបច្រើនដែរ ព្រោះបានហ្វឹកហាត់ត្រៀមសងសឹក តាំងពីខែកុម្ភៈ ហើយអាចថាពេលហ្វឹកហាត់យូជាងនេះទៀត។ លើកនេះ ខ្ញុំជឿច្បាស់ថា អាចយកកឈ្នះបាន។»។ Danielly Kelly បាននិយាយដូច្នេះ។
 

ក្នុងវេទិការដដែរនេះ កីឡាការិនីកម្ពុជា ចេសា ដែលទើបដណ្តើមបានមេដាយមាសកីឡាស៊ីហ្គេមលើកទី៣២ ដូចជាមិនមានការព្រួយបារម្ភចំពោះប្រកួតនេះទេ ហើយក៏មានជំនឿចិត្តមិនខុសគ្នា ពី Danielly Kelly ដែរ។ ម្យ៉ាងវិញទៀត ខាន់ ចេសា ទំនងជាផ្ដោតសំខាន់ចំពោះការប្រកួតនេះណាស់ ព្រោះ ចេសា មិនចូលរួមក្នុងព្រឹត្តិការណ៍ Asian Games លើកទី១៩ នៅប្រទេសចិន ដែលតំណាងឲ្យកម្ពុជា ព្រោះតែ ចាំការប្រកួតដ៏សំខាន់នេះ។
 

កីឡាការនីកម្ពុជារូបនេះ បាននិយាយដូច្នេះថា៖«ជឿជាក់ខ្លះដែរ ព្រោះខ្ញុំធ្លាប់ប្រកួតឈ្នះគាត់ម្ដងហើយ។  ខ្ញុំ បានហ្វឹកហាត់ល្អបំផុត នៅសាលា។»៕