ជាតិ
ប្រាសាទបាភួន ជាប្រាសាទដ៏ចំណាស់មួយក្នុងក្រុងអង្គរធំ
× សៀមរាប៖ ប្រាសាទបាភួន ជាប្រាសាទដែលមានវ័យចំណាស់ជាងគេនៅក្នុងក្រុងអង្គរធំ។ ប្រាសាទបាភួន ត្រូវបានសាងសង់នៅខាងក្រោយ ឈៀងខាងត្បូងព្រះលានជល់ដំរី និងខាងជើងឈៀងខាងលិច នៃប្រាសាទបាយ័ន។ ប្រាសាទនេះ កសាងឡើង ដោយព្រះបាទឧទយទិត្យវម៌្មទី២ នៅសតវត្សរ៍ទី១១ ដើម្បីឧទ្ទិសជូនព្រហ្មញសាសនា។
ដើម្បីជ្រាបកាន់តែច្បាស់ សូមលោកអ្នកនាង អញ្ជើញទស្សនាវីដេអូដូចតទៅ៖
ប្រាសាទបាភួន មានទម្រង់ជាប្រាសាទភ្នំ ក្នុងរចនាបថ ដែលរចនាបថបទនេះ គឺស្ថិតនៅក្នុងចំណោមរចនាបថធំៗរបស់ខ្មែរ។ នៅលើប្រាសាទបាភួន គឺមានរូបចម្លាក់ព្រះពុទ្ធបដិមាចូលនិពា្វនមួយអង្គ ដែលត្រូវបានកសាងនាសតវត្សរិ៍ទី១៦ ដោយព្រះបាទចន្ទរាជា ឬអង្គចន្ទទី១ ដែលជាព្រះមហាក្សត្រសម័យលង្វែក បានយាងត្រឡប់មកកាន់អតីតក្រុងយសោធរបុរៈវិញ នេះមានន័យថា ចម្លាក់ព្រះពុទ្ធកសាងក្រោយ ប្រាសាទបាភួនប្រមាណ ៥០០ឆ្នាំ។ រូបចម្លាក់ព្រះពុទ្ធនេះ គឺមានប្រវែង៦១ម៉ែត្រ និងកម្ពស់៩ម៉ែត្រ។ បច្ចុប្បន្ន រូបចម្លាក់ព្រះពុទ្ធចូលនិព្វាននេះ ក៏ទាក់ទាញទេសចរយ៉ាងច្រើនផងដែរ៕
Tag:
ThmeyThmey
ប្រាសាទបាភួន
ក្រុងអង្គរ
© រក្សាសិទ្ធិដោយ thmeythmey.com