លោក ឌុច សារ៉ន មគ្គុទ្ទេសក៍ទេសចរណ៍ភាសាបារាំង បានលើកឡើងដូច្នេះខណៈដែលកន្លងមក មានភ្ញៀវទេសចរខ្លះសួរនាំពីកញ្ចប់សេវាផ្លូវភេទនៅកម្ពុជា។ លោក សារ៉ន បន្ថែមថា ទេសចរបារាំងដែលមានវ័យចំណាស់ តែងរស់បែកគ្នា ដូច្នេះដំណើរកម្សាន្តរបស់ពួកគេតែងស្វែងរក ដៃគូបន្ថែម។ មគ្គុទ្ទេសក៍រូបនេះស្នើឱ្យរដ្ឋពិចារណារៀបចំកញ្ចប់ទេសចរផ្លូវភេទដែលស្របច្បាប់ និងមានការគ្រប់គ្រងត្រឹមត្រូវ ដែលលោកយល់ថាអាចទាញចំណូលជូនជាតិមួយផ្នែកផង។

 

តាមការមើលឃើញរបស់លោក សារ៉ន កន្លងមក ទោះមិនមានច្បាប់អនុញ្ញាតត្រឹមត្រូវ សេវាផ្លូវភេទបានកើតមាន និងពេលខ្លះធ្វើឱ្យបាត់បង់សណ្ដាប់ធ្នាប់សាធារណៈ និងបង្កជាជំងឺឆ្លងផ្សេងៗផងដែរ។ ដូច្នេះការរៀបចំឱ្យមានច្បាប់ទម្លាប់ និងមានអ្នកគ្រប់គ្រងត្រឹមត្រូវ ប្រហែលអាចកាត់បន្ថយបញ្ហាទាំងនោះបាន និងថែមទាញចំណូលចូលជាតិបានទៀត៕