ពាក់មួកចាក់ពណ៌ខៀវ ហើយស្ពាយកាបូបពណ៌ស្វាយពីមុខ គឺជាអ្នកស្រី ស សុភ័ណ។ អ្នកស្រីសង្កេតឃើញ ព្រឹកនៃបិណ្ឌមួយឆ្នាំនេះ មានពលរដ្ឋច្រើនកុះករនាំគ្នាមកវត្តទួលទំពូង។ ប៉ុន្តែ បើធៀបទៅឆ្នាំមុន មុខរបរដូរប្រាក់របស់អ្នកស្រី ពុំសូវកាក់កបឡើយ ដោយសារព្រឹកនេះ មានភ្លៀងធ្លាក់ ជាហេតុនាំឱ្យពលរដ្ឋដែលមកវត្តប្រញាប់ប្រញាល់ចូលក្នុងវត្ត ហើយក៏ត្រឡប់ទៅវិញ។ 

ចំណែក អ្នកស្រី ស្វាយ នៅ ក៏ត្អូញត្អែរដូចគ្នាដែរ​។ អ្នកស្រីថាពិបាកក្នុងការទុកដាក់លុយ ពោលគឺត្រូវច្រកថង់ ហើយដើរសួរនាំពលរដ្ឋ ត្រូវការដូរលុយទាំងមេឃកំពុងភ្លៀង។ 

 

ជាការកត់សម្គាល់ ក្នុងអាជីពជាអ្នកដូរប្រាក់អស់រយៈពេលជាង៥ឆ្នាំមកនេះ អ្នកស្រីទាំងពីរឃើញពលរដ្ឋនិយមដូរប្រាក់ក្រដាស មួយរយរៀល និងប្រាំរយរៀល សម្រាប់រាប់បាត្រនិងចូលបច្ច័យ។ អ្នកទាំងពីរបន្តថា ពលរដ្ឋភាគច្រើន គឺយកប្រាក់រៀលមកដូរ ខណៈក្រដាសប្រាក់ដុល្លារ ឃើញមានតិចតួចប៉ុណ្ណោះ៕ 

 

សូមទស្សនៈកិច្ចសម្ភាស រវាង កញ្ញា ឡាយ សុភាវតី អ្នកសារព័ត៌មានថ្មីៗ និងអ្នកដូរតាមវត្តអារាម៖