ជាការរំពឹងទុក របស់ក្រសួងទេសចរណ៍ កម្ពុជានឹងទទួលបានទេសចរអន្តរជាតិក្នុងរង្វង់ប្រមាណ៤,៥ លាន ទៅ៥លាននាក់ សម្រាប់ពេញមួយឆ្នាំ២០២៣។ ជាក់ស្ដែង ត្រឹមពេល៨ខែមកនេះ កម្ពុជាបានទទួលភ្ញៀវទេសចរអន្តរជាតិ ៣,៥លានហើយ ដែលក្នុងនោះ ទេសចរដែលចូលតាមផ្លូវអាកាសមានប្រមាណ១,២ លាននាក់។ ចំណែក ទេសចរអន្តរជាតិ ដែលចូលតាមផ្លូវគោក និងផ្លូវទឹកមានប្រមាណ ២,២៨លាននាក់។ 

 

«យើងកត់សម្គាល់ឃើញថា ទេសចរអន្តរជាតិភាគច្រើន មកតាមផ្លូវគោកពីប្រទេសជិតខាង ដែលជាទីផ្សារអាទិភាពដ៏សំខាន់មួយ ក្នុងដំណាក់កាលក្រោយវិបត្តិកូវីដ-១៩»។ ក្រសួងទេសចរណ៍សរសេរបញ្ជាក់បែបនេះ លើទំព័រហ្វេសប៊ុករបស់ខ្លួននៅថ្ងៃទី៣០កញ្ញា។ 

 

សូមជម្រាបថា រយៈពេល៨ខែ នៃដើមឆ្នាំ២០២៣នេះ ភ្ញៀវទេសចរអន្តរជាតិ ចូលមកកម្ពុជា 

កើនឡើង ២៥០,៨% បើធៀបនឹងឆ្នាំ២០១៩វិញ គឺមានការថយចុះ១៩,៧ភាគរយ៕