ក្នុងកម្មវិធី ក៏មានការបកស្រាយពន្យល់បន្ថែមពីបច្ចេកវិទ្យាដ៏ទំនើបចុងក្រោយ PGM-FI កាន់តែស៊ីជម្រៅលើសពីនេះក៏មានជាការឆ្លើយនូវសំនួរពីខាងសារព័ត៌មាន ជាមួយនឹងការជិះសាកល្បងផ្ទាល់ដើម្បីឲ្យដឹងពីគុណភាពពិតៗរបស់ហុងដាឌ្រីម។
 

លោក បេនកៀស្រ៊ីថានាកន ប្រធានក្រុមហ៊ុនអិនស៊ីអិច បានលើកឡើងថា ម៉ូតូហុងដា Dream ត្រូវបានបង្កើតឡើងដោយភាពជឿជាក់ពីមួយជំនាន់ទៅមួយជំនាន់ ហើយការអភិវឌ្ឍនេះបានបំពេញបន្ថែមចំពោះ ក្តីស្រមៃរបស់ប្រជាជនកម្ពុជា ដើម្បីធ្វើអោយជីវិតកាន់តែប្រសើរ។ ភាពលេចធ្លោ តម្លៃ និងថាមពលនៃក្តីស្រមៃ (The Power of Dream) បានក្លាយជានិមិត្តសញ្ញានៃសមិទ្ធផលជោគជ័យ / ដែលតំណាងឱ្យ តម្លៃ និងមោទកភាពនៃជីវិត ។

ដូចដែលយើងដឹងហើយថា Honda Dream ទទួលបាននូវការជឿជាក់បំផុតជាច្រើនទសវត្សរ៍ណាស់មកហើយ តែងតែដក់ជាប់ក្នុងក្រអៅបេះដូងរបស់អ្នកប្រើប្រាស់ក្នុងប្រទេសកម្ពុជា​ គ្រប់ជំនាន់។ ហើយនៅតែឈរក្នុងកំពូលតារាងលេខ១ ក្នុងការលក់ ជាប់គ្នារហូត ជាង ៣០ ឆ្នាំ។ ការលក់សរុបនៃម៉ូឌែលនេះមានចំនួនរហូតទៅដល់ ៣,១៦៤,៩៦៧ គ្រឿង បើគិតមកត្រឹមថ្ងៃនេះ។ 

ក្រុមការងារខាងសិក្សា និងអភិវឌ្ឍផលិតផលរបស់ក្រុមហ៊ុនហុងដាតែងតែផ្តល់អទិភាពក្នុងការទទួលយកមតិយោបល់របស់អតិថិជន ដើម្បីពង្រឹង និងធ្វើឱ្យប្រសើរឡើង ដោយអមមកជាមួយបច្ចេកវិទ្យាចុងក្រោយបំផុត ដែលមានដូចជាប្រព័ន្ធម៉ាស៊ីន PGM-FI ដែលជាបច្ចេកវិទ្យាពី Honda​ Global ដើម្បីបង្កើតផលិតផលដែលត្រូវតាមតម្រូវការ និងធ្វើអោយក្លាយជាម៉ាកយីហោយានយន្តដែលល្បីបំផុត។
 

ចំនួន 89%   នៃបណ្តាប្រទេសក្នុងអាស៊ានបានផ្លាស់ប្តូរមកប្រើប្រាស់ប្រព័ន្ធបច្ចេកវិទ្យាម៉ាស៊ីន​​​​ប៊ិចសាំង PGM-FI រួចមកហើយ ដោយប្រទេសមួយចំនួនដូចជា ប្រទេសថៃ និងឥណ្ឌូនេស៊ី បានប្រើប្រាស់ម៉ាស៊ីន PGM-FI យ៉ាងពេញលេញ 100% សម្រាប់គ្រប់ម៉ូដែលរបស់ម៉ូតូ Honda ទាំងអស់។ សម្រាប់ប្រទេសកម្ពុជា​ ឥឡូវនេះយើងបានប្រើប្រាស់ ប្រព័ន្ធម៉ាស៊ីន PGM-FI នេះ បានរហូតទៅដល់ 92% នៃម៉ូឌែលរបស់ម៉ូតូ Honda ទាំងអស់។

ក្រុមហ៊ុន Honda បានប្រើប្រាស់បច្ចេកវិទ្យាម៉ាស៊ីនប៊ិចសាំង PGM-FI នេះ ដើម្បីផ្តល់ជូននូវដំណើរការម៉ាស៊ីនអោយកាន់តែប្រសើរ ពន្យាភាពធន់របស់ម៉ាស៊ីនអោយប្រើប្រាស់បានកាន់តែយូរ ធ្វើឱ្យការប្រើប្រាស់ប្រេងសាំងសន្សំសំចៃជាងមុន ហើយសំខាន់បំផុតគឺ អនុលោមតាមគោលនយោបាយបរិស្ថានរបស់ប្រទេសកម្ពុជា នៃបទប្បញ្ញត្តិអំពីការបំភាយឧស្ម័ន Euro3  ដែលបានន័យថា ជួយរក្សាកំរិតជាតិពុលឬកាត់បន្ថយ ឧស្ម័នកាបូន ក្នុងបរិយាកាស។

ជាពិសេស Honda Dream ស៊េរីថ្មី ដែលបំពាក់ដោយ ម៉ាស៊ីនប៊ិចសាំងនេះ អាចសន្សំសំចៃសាំងបានប្រសើរជាង ម៉ាស៊ីនប៊េនសាំងរហូតដល់ទៅ 10% ។ សន្សំសំចៃបានច្រើន និងល្អបំផុត សម្រាប់ការប្រើប្រាស់ប្រចាំថ្ងៃ។

ជាមួយនឹងប្រព័ន្ធម៉ាស៊ីនប៊ិចសាំង ដែលបំពាក់នៅលើម៉ូឌែលហុងដាឌ្រីមថ្មីនេះ អាចឱ្យអ្នកបើកបរជិះពីចំនុច ០ ទៅ ២០០ ម៉ែត្រ ក្នុងរយៈពេលត្រឹមតែ ១២.៧ វិនាទីតែប៉ុណ្ណោះ។ ចំណែក ល្បឿនអតិបរមាវិញ អាចបើកបានរហូរដល់ ៩៦ គីឡូក្នុងមួយម៉ោង ។ ទាំងសន្ទុះម៉ាស៊ីន និង ល្បឿនអតិបរមា គឺមានសមត្ថភាព ល្អប្រសើរជាងម៉ាស៊ីនប៊េនសាំង ។

(អត្ថបទពាណិជ្ជកម្ម)