អន្តរជាតិ
នយោបាយជាតិ
៤នាក់ស្លាប់ក្នុងការបាញ់ប្រហារនៅផ្សារ Siam Paragon, ប៉ូលិសចាប់ជនសង្ស័យអាយុ១៤ឆ្នាំ
× មនុស្ស៤នាក់បានស្លាប់ និងជាច្រើននាក់ទៀតបានរងរបួសអំឡុងការបាញ់ប្រហារនៅផ្សារទំនើប Siam Paragon ក្នុងទីក្រុងបាងកកនៅថ្ងៃទី៣ ខែតុលា។
បើតាមសេវាសង្គ្រោះបន្ទាន់របស់ថៃ មនុស្ស៣នាក់បានស្លាប់ក្នុងការបាញ់ប្រហារ។ តួលេខនេះ ត្រូវបានកែប្រែ បន្ទាប់ពីមនុស្សម្នាក់ទៀតបានស្លាប់ដោយសាររបួសធ្ងន់។ អាជ្ញាធរសុខាភិបាលក៏បាននិយាយថា អ្នករបួសម្នាក់ជាជនបរទេស។
ភ្លាមៗក្រោយបាញ់ប្រហារ ប៉ូលិសថៃបានចាប់ខ្លួនជនសង្ស័យម្នាក់ជាខ្មាន់កាំភ្លើងអាយុ១៤ឆ្នាំ។
នាយករដ្ឋមន្ត្រីថៃ សេដ្ឋា ថាវីស៊ីន បានប្រាប់អ្នកយកព័ត៌មានថា ខ្មាន់កាំភ្លើងត្រូវបានចាប់ខ្លួន បន្ទាប់ពីចូលខ្លួនឱ្យប៉ូលិស។
មនុស្សរាប់រយនាក់ បានរត់ចេញពីផ្សារ Siam Paragon ដែលមានប្រជាប្រិយភាពយ៉ាងខ្លាំងពីសំណាក់អ្នកទេសចរ។ ផ្សារនេះត្រូវបានបិទទ្វារភ្លាមដែរ៕
© រក្សាសិទ្ធិដោយ thmeythmey.com