ក្រោយព្យាករណ៍ពីស្ថានភាពអាកាសធាតុ ក្រសួងធនធានទឹក បានចេញសារណែនាំដល់ប្រធានមន្ទីរធនធានទឹកទូទាំងរាជធានី-ខេត្តឱ្យយកចិត្តទុកដាក់ថែរក្សាទឹកឱ្យបានល្អ ហើយក៏ត្រូវចុះវាយតម្លៃលើសក្ដានុពលទឹកដែលមាន និងត្រូវរៀបចំផែនការប្រើប្រាស់ទឹកផងដែរ។ 
 

បើតាមសារណែនាំដដែល ក្រសួងបញ្ជាឱ្យមន្ទីរតាមបណ្ដាទាំងអស់ ត្រូវរៀបចំផែនរក្សាទុកទឹកសម្រាប់ប្រើប្រាស់ប្រចាំថ្ងៃ ដែលជាចំណុចអាទិភាព និងទឹកសម្រាប់បម្រើឱ្យបង្កបង្កើនផលស្រូវនារដូវប្រាំងផងដែរ។
 

សូមបញ្ជាក់ថា បាតុភូត El Nino ជាបាតុភូតអាកាសធាតុ ដែលបង្កភាពរាំងស្ងួត និងកង្វះទឹកភ្លៀងកំពុងវិលត្រឡប់មកតំបន់អាស៊ានវិញ ដោយបង្កើនហានិភ័យនៃគ្រោះរាំងស្ងួត កង្វះទឹក និងការរំខានពាណិជ្ជកម្ម។ ក្រៅពីកម្ពុជា ថៃ ម៉ាឡេស៊ី ឥណ្ឌូណេស៊ី ក៏កំពុងរងគ្រោះពីបាតុភូតនេះដែរ៕